March 2025

സ്വകാര്യവ്യക്തി നടത്തുന്ന ഫാമിലെ മാലിന്യങ്ങൾ റോഡിലേക്ക് ഒഴുക്കുന്നുവെന്ന പരാതിയിൽ പരിശോധനയ്ക്ക് എത്തിയ ആരോഗ്യവകുപ്പ് അധികൃതരെ ഉടമ തടഞ്ഞു. കുമ്മിൾ ജങ്ഷനു സമീപം സ്വകാര്യവ്യക്തി വീട്ടിൽ നടത്തുന്ന ഫാമിൽനിന്നാണ് വിസർജ്യ ങ്ങളടക്കം റോഡിലേക്ക് ഒഴുക്കുന്നത്.. അസഹ്യമായ ദുർഗന്ധം മൂലം സമീപവാസികൾ പരാതി ഉന്നയിക്കുകയും കഴിഞ്ഞ ദിവസം ഹെൽത്ത് ഇൻ സ്പെക്ടർ ഫാമിൽ പരിശോധനയ്ക്ക് എത്തുകയുമായിരുന്നു. എന്നാൽ, ഫാം ഉടമ ഇവരെ തടഞ്ഞു. പിന്നീട് പൊലീസിന്റെ സഹായത്തോടെയാണ് പരിശോധന തുടർന്നത്. വീടിനോടു ചേർന്ന് രണ്ടു ഡസനിലേറെ പശുക്കളെ വളർത്തുന്ന ഉടമ…

തിരുവിതാംകൂർ ദേവസ്വം ബോർഡ് പുനലൂർ അസി.കമ്മിഷണർ പരിധിയിൽ മണികണ്ഠൻചിറ (തേവർ നട) ക്ഷേത്രത്തിൽ ക്ഷേത്രോപദേശക സമിതി രൂപീകരിക്കും. ഏപ്രിൽ 13ന് രാവിലെ 9ന് ആദ്യ യോഗം ചേരും. ഭക്തജനങ്ങൾ 6ന് വൈകിട്ട് 5നകം 100 രൂപ അം ഗത്വ ഫീസ് അടയ്ക്കണം. 13ന് രാവിലെ തിരഞ്ഞെടുപ്പ് നടക്കും

കോട്ടക്കലിൽ പെരുന്നാൾ നിസ്‌കാരം കഴിഞ്ഞു ബന്ധു വീട്ടിലേക്ക് പോകുന്നതിനിടെ ബൈക്ക് നിയന്ത്രണം വിട്ട് കിണറ്റിൽ വീണ് പിതാവിനും മകനും മരിച്ചു. കുന്നത്തു പടിയൻ ഹുസൈൻ (60), മകൻ ഹാരിസ് ബാബു (30) എന്നിവരാണ് മരണപ്പെട്ടത്. കോട്ടക്കൽ മാറാക്കര പഞ്ചായത്തിലെ ആമ്പാറയിൽ ഇന്ന് രാവിലെ ദാരുണമായ അപകടം സംഭവിച്ചത്. പെരുന്നാൾ നിസ്‌കാരം കഴിഞ്ഞു ബന്ധു വീട്ടിലേക്ക് പോകുന്നതിനിടെ ആണ് അപകടം. കിണറ്റിൽ വീണവരെ ഉടൻ തന്നെ പുറത്തെടുത്ത് സമീപത്തെ ആശുപത്രികളിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അപകടവിവരം അറിഞ്ഞയുടൻ മലപ്പുറം,…

18 വയസിന് താഴെയുള്ള കുട്ടികൾക്ക് സൗജന്യ ചികിത്സ നടപ്പിലാക്കുന്ന പദ്ധതിയാണ് പതിനെട്ടുവയസ്സില്‍ താഴെ പ്രായമുള്ള കുട്ടികളുടെ സമഗ്ര ആരോഗ്യസംരക്ഷണത്തിനുള്ള സേവനങ്ങള്‍ ഒരു കുടക്കീഴില്‍ ഉറപ്പുവരുത്തുന്ന പദ്ധതിയാണ് ആരോഗ്യ കിരണം. രാഷ്ട്രീയ ബാല്‍ സ്വാസ്ഥ്യ കാര്യക്രം പദ്ധതി പ്രകാരം ചികിത്സ സഹായം ലഭിക്കുന്ന 30 രോഗങ്ങള്‍ക്ക് പുറമെയുള്ള എല്ലാ രോഗങ്ങള്‍ക്കും ആരോഗ്യകിരണം പദ്ധതിയിലൂടെ ചികിത്സ സഹായം ലഭിക്കും. എ.പി.എല്‍/ ബി.പി.എല്‍ വ്യത്യാസമില്ലാതെയാണ് പരിഗണന. സംസ്ഥാന സര്‍ക്കാറിന്റെ പ്ലാന്‍ ഫണ്ടില്‍ നിന്നാണ് പദ്ധതി നിര്‍വ്വഹണത്തിനുള്ള തുക വകയിരുത്തുന്നത്. ഈ പദ്ധതിയിലൂടെ…

കേരളത്തിലേക്ക് MDMA എത്തിക്കുന്ന മൊത്ത വിൽപ്പനക്കാരൻ കൊല്ലം പോലീസിന്റെ പിടിയിൽ, നൈജീരിയൻ സ്വദേശി സോളമനെ പിടികൂടിയത് ദില്ലിയിൽ നിന്ന്. കൊല്ലം സിറ്റി പോലീസ് കമ്മിഷണർ കിരൺ നാരായണന്റെ നിർദേശപ്രകാരം ഇരവിപുരം SHO രാജീവും സംഘവും ഡൽഹിയിലേക്ക് പുറപ്പെടുകയായിരുന്നു. 25 തീയതി സംഘം ഡൽഹിയിലെത്തി.27 ന് പ്രതിയെ പിടികൂടി കേരളത്തിലേക്ക് ലഹരി എത്തിക്കുന്ന സംഘടനയിലെ പ്രധാനിയാണ് പിടിയിലായിരിക്കുന്നത്.

തേവന്നൂരിൽ നിന്നും വാറ്റ് ചാരായം പിടികൂടി. ഉത്സവ ആവശ്യത്തിന് നിർമ്മിച്ച ചാരായമാണ് ചടയമംഗലം പോലീസ് പിടികൂടിയത്. തേവന്നൂർ സനൽ മന്ദിരത്തിൽ 46 വയസ്സുള്ള സനൽകുമാർ, ഇളമാട് വിനോദ് മന്ദിരത്തിൽ 39 വയസ്സുള്ള വിനോദ് കുമാർ എന്നിവരെയാണ് തേവന്നൂർ കവലയ്ക്ക പച്ച സീതക്കുന്നുംപുറത്ത് നിന്നും പിടികൂടിയത്. സനൽകുമാറിൻ്റെ ഉടമസ്ഥതയിലുള്ള വീട്ടിൽ നിന്നാണ് മൂന്ന് ലിറ്റർ ചാരായവും ചാരായം വാറ്റുവാനായി ഉപയോഗിച്ച ഗ്യാസും സ്റ്റൗ ഉൾപ്പെടെയുള്ള ഉപകരണങ്ങൾ പിടിച്ചെടുത്തത്. ഉത്സവ ആവശ്യത്തിന് വേണ്ടിയാണ് ചാരായം വാറ്റിയത് എന്ന് പ്രതികൾ പോലീസിനോട്…

അഞ്ചൽ എക്സൈസ് റേഞ്ച് ഓഫീസിൽ വാഹനമില്ലാതെ ബുദ്ധിമുട്ടുകയാണ്. 2025 ജനുവരി 12ന് നിലവിൽ ഉണ്ടായിരുന്ന ജീപ്പിന്റെ കാലാവധി കഴിയുകയും അത് കട്ടപ്പുറത്ത് ആവുകയും ചെയ്തു. പലതവണ എക്സൈസ്  വകുപ്പിനെ നിലവിലെ സാഹചര്യം വ്യക്തമാക്കിക്കൊണ്ട് വാഹനം ആവശ്യപ്പെട്ട് സമീപിച്ചെങ്കിലും എക്സൈസ് വകുപ്പ് ഇതുവരെ വാഹനം നൽകാൻ തയ്യാറായില്ല. മലയോരമേഖലയും സംസ്ഥാന അതിർത്തിയുമായ ആര്യങ്കാവും അച്ഛൻകോവിലും അടക്കമുള്ള ജില്ലയിലെ ഏറ്റവും എക്സൈസ് പരിധിയിലുള്ള അഞ്ചൽ എക്സൈസ് ഓഫീസിലാണ് വാഹനമില്ലാതെ ബുദ്ധിമുട്ടുന്നത്. അഞ്ചൽ എക്സൈസിന്റെ പരിധിയിൽ നിരവധിപേരെ എം  ടി എം…

ചിതറ കിഴക്കുംഭാഗത്ത് വാഹനാപകടം . നിർത്തി ഇട്ടിരുന്ന ട്രാവലറിലേക്ക്‌ നിയന്ത്രണം വിട്ട കാർ ഇടിച്ചു കയറുകയായിരുന്നു. ദുര യാത്ര ചെയ്തു വന്ന വാഹനമാണ് അപകടത്തിൽ പെട്ടത് . കിഴക്കുംഭാഗത്ത് നിന്ന് കടയ്ക്കലിലേക്ക് പോകുന്ന ബസ് സ്റ്റോപ്പിന് സമീപമാണ് അപകടം ഉണ്ടായത്. ഒഴിവായത് വൻ അപകടമാണ് . അപകടത്തിൽ ആർക്കും പരിക്കുകൾ ഇല്ല . ചിതറ പോലീസ് സ്ഥലത്തെത്തി മേൽ നടപടികൾ സ്വീകരിച്ചു

വര്‍ക്കലയില്‍ ജനക്കൂട്ടത്തിനിടയിലേക്ക് വാഹനം ഇടിച്ചു കയറി അമ്മയും മകളും മരിച്ചു. രണ്ടു പേര്‍ക്ക് പരുക്കേറ്റു. പേരേറ്റില്‍ സ്വദേശികളായ രോഹിണി, അഖില എന്നിവരാണ് മരിച്ചത്. ഉത്സവം കണ്ടു മടങ്ങിയ ജനക്കൂട്ടത്തിനിടയിലേക്ക് വാഹനം ഇടിച്ചുകയറുകയായിരുന്നു. വര്‍ക്കലയില്‍ നിന്നും കവലയൂര്‍ ഭാഗത്തേക്ക് പോയ റിക്കവറി വാഹനമാണ് അപകടമുണ്ടാക്കിയത്. വാഹനങ്ങളില്‍ ഇടിക്കുകയും ജനക്കൂട്ടത്തിനിടയിലേക്ക് പാഞ്ഞു കയറുകയും ആയിരുന്നു. വാഹന ഡ്രൈവര്‍ അപകടം നടന്ന ശേഷം ഓടി രക്ഷപ്പെടുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. പരുക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചു.