chuvad

ടീം BTC KSRTC കിളിമാനൂർ നടത്തി വരുന്ന വിനോദ് യാത്രകളെ ജനകീയമാക്കുന്നതിൽ ഏറ്റവും മികച്ച യാത്ര സമ്മാനിച്ച കിഴക്കുംഭാഗം തനിമ പബ്ലിക് ലൈബ്രറി പ്രവർത്തകരെ “നിറവ് 2K24” ചടങ്ങിൽ വച്ച് ബഹുമാന്യ എം എൽ എ ശ്രീമതി O.S അംബിക അവർകളുടെ സാന്നിത്യത്തിൽ KSRTC എംഡി ശ്രീ പ്രമോജ് ശങ്കർ പുരസ്കാരം നൽകി ആദരിച്ചു.തനിമ പബ്ലിക് ലൈബ്രറി പ്രതിനിധികൾ ആയ സാജൻ, സബീർ ഖാൻ തുടങ്ങിയവർ പുരസ്കാരം ഏറ്റുവാങ്ങി

കടയ്ക്കൽ കോട്ടപ്പുറത്ത് ഇന്ന് രാവിലെയോടെയാണ് സംഭവം നടന്നത്. കീഴേചെമ്പകശ്ശേരി വീട്ടിൽ 65 വയസ്സുള്ള സമതിയമ്മയുടെ 2 അര പവനോളം വരുന്ന സ്വർണ മാലയാണ് ബൈക്കിൽ എത്തിയ യുവാവ് പൊട്ടിച്ചു കടന്നത്. സുമതിയമ്മയോട് വഴി ചോദിക്കുകയും തുടർന്ന് മാല വലിച്ചു പൊട്ടിക്കുകയുമായിരുന്നു. സുമതിയമ്മയുടെ നിലവിളികേട്ട് നാട്ടുകാർ ഓടിയെത്തുമ്പോഴേക്കും യുവാവ് കടന്ന് കളഞ്ഞിരുന്നു. സുമതിയമ്മയുടെ നെറ്റിയിലും ചെവിക്ക് പുറകിലും സാരമായി പരിക്കേറ്റിട്ടുണ്ട്. സുമതിയമ്മയുടെ പരാതിയിൽ കടയ്ക്കൽ പോലീസ് കേസ് എടുത്ത് അന്വേഷണം ആരംഭിച്ചു .

കടയ്ക്കലിൽ 51 വയസ്സുള്ള കൃഷ്ണൻകുട്ടിക്കെതിരെയാണ് ശിക്ഷ വിധിച്ചത്. കഴിഞ്ഞ വർഷം മെയ് മാസം നടന്ന സംഭവത്തിൽ കൊട്ടാരക്കര അതിവേഗ കോടതി കടയ്ക്കൽ പുലിപ്പാറ സ്വദേശി കൃഷ്ണൻ കുട്ടി കുറ്റക്കാരൻ എന്ന് കണ്ടെത്തി പോക്സോ വകുപ്പ് ഉൾപ്പെടെയുള്ള വകുപ്പ് ചേർത്ത് ശിക്ഷ വിധിക്കുകയായിരുന്നു. 60 വർഷം കഠിന തടവും 30,000 രൂപ പിഴയും ആണ് പ്രതിക്ക് വിധിച്ചത്.

നിലമേൽ വെള്ളാം പാറയിൽ കാട്ടുപന്നിയിടിച്ചു ഓട്ടോറിക്ഷ മറിഞ്ഞ് ഡ്രൈവറുടെ കാലിന് ഗുരുതര പരിക്ക്. കടയ്ക്കലിൽ നിന്നും നിലമേൽ ഭാഗത്തേക്ക് ഒരു യാത്രകരനുമായി പോയ വാഹനമാണ് അപകടത്തിൽ പെട്ടത്. ഓട്ടോറിക്ഷ ഡ്രൈവറുടെ കാലിന് മുകളിലേക്കാണ് മറിഞ്ഞത്. കരുന്തലകോട് സ്വദേശിയായിരുന്നു വാഹനം ഓടിച്ചത് എന്നാണ് പ്രാഥമിക വിവരം കൂടുതൽ വിവരങ്ങൾ ലഭ്യമാകുന്നതെയുള്ളൂ

ഇടതുപക്ഷജനാധിപത്യ മുന്നണിയുടെ ധാരണപ്രകാരമാണ് എം എസ് മുരളിയും , ആർ എം രജിതയും രാജി സമർപ്പിച്ചത്. സിപിഎം പ്രതിനിധിയായി ചക്കമല വാർഡിൽ നിന്നും വിജയിച്ച എം എസ് മുരളിയും , വേങ്കോട് വാർഡിൽ നിന്നും സിപിഐ പ്രതിനിധിയായി വിജയിച്ച ആർ എം രജിതയും ചിതറ ഗ്രാമപഞ്ചായത്തിന്റെ ഉന്നമനത്തിനായി ഒട്ടനവധിയായ പ്രവർത്തനങ്ങളാണ് നടത്തിയിട്ടുള്ളത് . ഉത്ഘാടനം കഴിഞ്ഞ് വർഷങ്ങൾ കഴിഞ്ഞിട്ടും തസ്തിക ആകാതെ പൂട്ടിക്കിടന്ന ചിതറ പോലീസ് സ്റ്റേഷന്റെ പ്രവർത്തനം സമയ ബന്ധിതമായ ഇടപെടലിലൂടെ ആരംഭിപ്പിച്ചു കൊണ്ടാണ് പ്രവർത്തന…

റേഷൻ കടയിലേക്ക് സാധനങ്ങൾ വാങ്ങാൻ പോയ വയോധികയുടെസ്വർണ്ണമാല ബൈക്കിൽഎത്തി പൊട്ടിച്ചു കടന്നു കളഞ്ഞ സംഘത്തിലെ പ്രധാനപ്രതിയെ ചടയമംഗലം പോലീസ് അറസ്റ്റ് ചെയ്തു. തിരുവനന്തപുരം കല്ലറ പള്ളിമുക്ക് സ്വദേശി 38 വയസ്സുള്ള റഹീമിനെയാണ് കടയ്ക്കൽ കോടതിയിൽ നിന്നും കസ്റ്റഡിയിൽ വാങ്ങി ചടയമംഗലം പോലീസ് അറസ്റ്റ് രേഖപെടുത്തിയത്. കിഴക്കേ കല്ലട പോലീസ് സ്റ്റേഷൻ പരിധിയിൽ സമാനമായ മറ്റൊരു മാല പൊട്ടിക്കൽ കേസിൽ കിഴക്കേ കല്ലട പോലീസ് അറസ്റ്റ് ചെയ്തു റിമാൻഡ് ചെയ്തിരുന്ന പ്രതിയെയാണ് ചടയമംഗലം പോലീസ് കസ്റ്റഡിയിൽ വാങ്ങി അറസ്റ്റ്…

കായംകുളം: കായംകുളത്ത് വയോധികയെ ക്രൂരമായി ബലാത്സംഗം ചെയ്ത കേസിൽ 27 വയസുകാരനായ പ്രതി നേരത്തെ കഞ്ചാവ് കേസിൽ നാല് വർഷം ജയിൽ ശിക്ഷ അനുഭവിച്ചയാൾ. കായംകുളം കൃഷ്ണപുരം സ്വദേശിനിയായ 76 വയസ്സുള്ള വയോധികയെ വീട്ടിൽ കയറി ക്രൂരമായി ബലാത്സംഗം ചെയ്ത കേസിലാണ് കരുനാഗപ്പള്ളി ക്ലാപ്പന പ്രയാർ തെക്ക് ചാലായിൽ പടീറ്റതിൽ വീട്ടിൽ ഷഹാസ് (27) അറസ്റ്റിലായത്. കഴിഞ്ഞ ദിവസം രാത്രി എട്ട് മണിയോടെയായിരുന്നു സംഭവം. ഒറ്റക്ക് താമസിക്കുകയായിരുന്ന വയോധികയുടെ വീടിന് സമീപത്ത് ഒളിച്ചിരുന്ന പ്രതി വയോധിക വീടിന്റെ…

ചിതറ ഗ്രാമപഞ്ചായത്ത് ബൈയോഡൈവേഴ്സിറ്റി മാനേജ്മെന്റ് കമ്മിറ്റിയുടെ നേതൃത്വത്തിൽ തയ്യാറാക്കിയ ജനകീയ ജൈവവൈവിധ്യ രജിസ്റ്റർ ചിതറ ഗ്രാമ പഞ്ചായത്ത്‌ പ്രസിഡന്റ്‌ എം. എസ്. മുരളി പ്രകാശനം ചെയ്‌തുവൈസ് പ്രസിഡന്റ്‌ ആർ. എം. രജിത അധ്യക്ഷനായ ചടങ്ങിൽ ബി. എം. സി. കൺവീനർ പ്രിജിത്ത്. പി. അരളീവനം സ്വാഗതം പറഞ്ഞു. കഴിഞ്ഞ ആറുമാസക്കാലമായി ബിഎംസി കൺവീനറും അരിപ്പ വാർഡ് മെമ്പറുമായ പ്രിജിത്ത് പി അരളീവനത്തിന്റ നേതൃത്വത്തിലുള്ള പഠനസംഘമാണ് ഇരുപത്തിമൂന്ന് വാർഡുകളിലായി പഠനം നടത്തി രജിസ്റ്റർ തയ്യാറാക്കിയത്.അത്യപൂർവമായ ഒരു ജൈവവൈവിദ്ധ്യശേഖരം തന്നെ…