സ്കൂൾ തുറക്കുന്നതിന് മുന്നോടിയായിചിതറ ഗവൺമെൻറ് എൽ പി എസ്സിൽ ഒന്നാം ക്ലാസുകാർക്കുള്ള പുസ്തകവിതരണവും യൂണിഫോം വിതരണവും ഗണിത ശില്പശാലയും സീനിയർ അസിസ്റ്റൻറ് ശ്രീമതി ഐറിൻ ദീപ ഉദ്ഘാടനം ചെയ്തു .
പുതിയ പാഠ്യ പദ്ധതിയെക്കുറിച്ചും പാഠപുസ്തകത്തെക്കുറിച്ചും സംയുക്ത ഡയറിയെ കുറിച്ചും എല്ലാം അധ്യാപകർ രക്ഷിതാക്കളുമായി സംവദിച്ചു.കുട്ടികൾക്കായുള്ള പഠന ഉപകരണങ്ങൾ നിർമ്മിക്കാൻ ഏറെ താല്പര്യത്തോടെയാണ് എല്ലാ രക്ഷിതാക്കളും വിദ്യാലയത്തിൽ എത്തിയത്.
പുതിയ പാഠപുസ്തകങ്ങൾ ഏറെ പ്രതീക്ഷ നൽകുന്നതാണെന്ന് അധ്യാപകർ അഭിപ്രായപ്പെട്ടു. കളികളിലൂടെയും പരീക്ഷണങ്ങളിലൂടെയും കഥകളിലൂടെയും ഒന്നാം ക്ലാസുകാർ ആർത്തുല്ലസിച്ച് പഠിക്കുന്നത് കാണാൻ പ്രതീക്ഷയോടെ കാത്തിരിക്കുകയാണ് ചിതറ ഗവൺമെൻറ് എൽപിഎസിലെ അധ്യാപകരും രക്ഷിതാക്കളും
