ചിതറ ഭജനമഠംത്തിൽ വിവാഹ സംഘം സഞ്ചരിച്ച ബസ്സിൽ സംഘർഷം ഒരാൾക്ക് ഗുരുതര പരിക്കേറ്റു

വിവാഹ സംഘം സഞ്ചരിച്ച ബസ്സിലുണ്ടായ സംഘർഷത്തിൽ ഒരാൾക്ക് ഗുരുതര പരിക്കേറ്റു. ഞായറാഴ്ച പകൽ 2.30 ന് ചിതറ ഭജനമഠം മംഗലപ്പള്ളിയിലായിരുന്നു സംഭവം. കുളത്തൂപ്പുഴ സ്വദേശിയുടെ വിവാഹത്തിൽ പങ്കെടുത്തത് കല്ലറയിലെ ആഡിറ്റോറിയത്തിൽ നിന്നും തിരികെ കുളത്തൂപ്പുഴയിലേക്ക് മടങ്ങുമ്പോഴാണ് സംഘർഷമുണ്ടായത്. ബസിനുള്ളിൽ ഡാൻസ് കളിച്ചതുമായി ബന്ധപ്പെട്ടുണ്ടായ തർക്കം അടിപിടിയിൽ കലാശിക്കുകയായിരുന്നു. സംഘർഷത്തിൽ കുളത്തൂപ്പുഴ സ്വദേശിയുടെ തലയ്ക്ക് ഗുരുതരമായി പരുക്കേറ്റു. നാട്ടുകാർ ഓടിക്കൂടിയപ്പോഴേക്കും അടിച്ച വ്യക്തി മറ്റൊരു വാഹനത്തിൽ കയറി രക്ഷപ്പെട്ടു. ചിതറ പോലീസ് സ്ഥലത്തെത്തി പരിക്കേറ്റയാളെ കടയ്ക്കൽ താലൂക്ക് ആശുപത്രിയിലേക്ക് മാറ്റി.