കടലിൽ കുളിക്കുന്നതിനിടെ കാണാതായ പ്ലസ് വൺ വിദ്യാർഥിയുടെ മൃതദേഹം കണ്ടെത്തി

ചെറുന്നിയൂർ അമ്പിളി ചന്തയ്ക്ക് സമീപം ശിവശക്തിയിൽ അശ്വിനെയാണ് കഴിഞ്ഞദിവസം വൈകുന്നേരം ആറുമണിയോടെ വർക്കല ആലിയിറക്കം ഏണിക്കൽ ബീച്ചിൽ   സുഹൃത്തുക്കൾക്കൊപ്പം കുളിക്കുന്നതിനിടെ കടലിൽ കാണാതായത്.

സംഭവമറിഞ്ഞ് അഞ്ചുതെങ്ങ് കോസ്റ്റൽ പോലീസിൻ്റെ നേതൃത്വത്തിൽ തിരച്ചിൽ ആരംഭിക്കുകയും കടൽ പ്രക്ഷുബ്ദമായതോടെ രാത്രി 11 മണിയോടെ തിരച്ചിൽ അവസാനിപ്പിക്കുകയുമായിരുന്നു.

തുടർന്ന് ഇന്ന് രാവിലെ ആറുമണിയോടുകൂടി മറൈൻ എൻഫോഴ്സ്മെന്റ് വിഭാഗവും കോസ്റ്റൽ പോലീസും  വർക്കല ചിലക്കൂർ മുതൽ തിരുവമ്പാടി വരെ തിരച്ചിൽ തുടരുന്നതിനിടെ ബലി മണ്ഡപത്തിന് സമീപത്തെ തീരത്ത് മൃതദേഹം കരയ്ക്ക് അടിയുകയായിരുന്നു.

വർക്കല ഫയർഫോഴ്സ് എത്തി മൃതദേഹം താലൂക്ക് ആശുപത്രി മോർച്ചറിയിലേക്ക് മാറ്റുകയും പോലീസ് ഇൻക്വസ്റ്റ് നടപടികൾ ആരംഭിക്കുകയും ചെയ്തു.

ഒറ്റൂർ ബിപിഎം സ്കൂളിൽ പ്ലസ് ടു പരീക്ഷയെഴുതി ഫലത്തിനായി കാത്തിരിക്കുകയായിരുന്നു അശ്വിൻ.