chuvad

ചിതറ പഞ്ചായത്തിലെ അയിരക്കുഴി വാർഡിൽ ഉൾപ്പെട്ട പുളിവേലിക്കോണത്ത് NK പ്രേമചന്ദ്രൻ എംപി യുടെ പ്രാദേശിക വികസന ഫണ്ടിൽ നിന്ന് 15 ലക്ഷം ഉപയോഗിച്ച് നിർമ്മിച്ച റോഡിൻ്റേയും റോഡ് സൈഡ് കെട്ടിൻ്റെയും ഉദ്ഘാടനം NK പ്രേമചന്ദ്രൻ എം പി  നിർവഹിച്ചു. കോൺഗ്രസ്‌ ചിതറ മണ്ഡലം കമ്മിറ്റി പ്രസിഡന്റ് ഹുമയൂൺ കബീറിന്റെ അധ്യക്ഷതയിൽ കൂടിയ യോഗത്തിൽ ബ്ലോക്ക്‌ പഞ്ചായത്ത്‌ അംഗം അരുൺ കുമാർ, പഞ്ചായത്ത് അംഗം രാജീവ്‌കൂരപള്ളി , സജാദ്,ജയറാം തുടങ്ങി നിരവധി പേർ ആശംസകൾ നേർന്നു സംസാരിച്ചു.

ചിതറ തൂറ്റിക്കലിൽ കിണർ പണിക്കാരും അയൽവാസിയും തമ്മിലുണ്ടായ സംഘർഷത്തിൽ ഒരാൾക്ക് കുത്തേറ്റു. കഴിഞ്ഞ ദിവസം രാത്രി 10 ന് ആണ് സംഘർഷം ഉണ്ടായത്. സംഘർഷത്തിൽ ബിയർ കുപ്പി പൊട്ടിച്ചു കുത്തുകയായിരുന്നു. ചിതറ തൂറ്റിക്കൽമഹേഷ് ഭവനിൽ മഹേഷ് (32) ആണ് കുത്തേറ്റത്. കുത്തിയ തൂറ്റിക്കൽ ബിനു വിലാസത്തിൽ ബിനു, ഭാര്യാ സഹോദരൻ വിനോദ് എന്നിവരെ ചിതറ പോലീസ് അറസ്റ്റുചെയ്തു. കിണർ കുഴിക്കുകയായിരുന്ന മഹേഷിനെയും കൂട്ടുകാരെയും ബിനുവും ഭാര്യാ സഹോദരൻ വിനോദും ചേർന്ന് അസഭ്യം പറയുകയും തുടർന്ന് ഉണ്ടായ സംഘർഷത്തിൽ…

ശ്രീ കൃഷ്ണ ജയന്തി ദിനത്തിൽ ചിതറ സൈഡ് വാൾ ക്ഷേത്രത്തിൽ അനവധി പരിപാടികളാണ് സംഘടിപ്പിക്കാൻ തീരുമാനിച്ചിരിക്കുന്നത്. രാവിലെ 5.30 ന് നടതുറക്കുംതുടർന്ന് രാത്രി 7 മണിവരെ വിവിധങ്ങളായ പൂജയും ആഘോഷ പരുപടികൾ സംഘടിപ്പിക്കുന്നു എന്ന് ക്ഷേത്ര കമ്മിറ്റി അറിയിച്ചു. ചിതറയിലെ വിവിധങ്ങളായ ക്ഷേത്രത്തിൽ പ്രത്യേക പൂജ അടക്കം ശ്രീ കൃഷ്ണ ജയന്തി ദിനത്തിൽ

ചിതറ ശ്രീകൃഷ്ണൻ കോവിലിന് സമീപം PWD റോഡ് പുറമ്പോക്കിൽ സ്ഥിതി ചെയ്യുന്ന ആൽത്തറ കെട്ടി അടച്ചതായി വ്യാപക പരാതി. അമ്പല വിശ്വാസികളും ബസ് യാത്രികരും പൊതു ജനങ്ങളും വിശ്രമിക്കാൻ ഉപയോഗിച്ചിരുന്ന ആൽത്തറയാണ് ക്ഷേത്ര കമ്മിറ്റി കെട്ടി അടച്ചത്. ഈ നടപടിയിലാണ് നാട്ടുകാർ പ്രതിഷേധം ഉയർത്തുന്നത്. ആൽത്തറ അടച്ചു പൂട്ടിയ ഭാഗം പൊളിച്ചു പഴയ സ്ഥിതിയിൽ ആക്കണം എന്നാണ് നാട്ടുകാർ പറയുന്നത്.

ചിതറ തൂറ്റിക്കലിൽ സംഘർഷം ഒരാൾക്ക് കുത്തേറ്റു . അല്പം മുമ്പാണ് സംഭവം നടന്നത് തൂറ്റിക്കൽ സ്വദേശി മഹേഷിനാണ് കുത്തേറ്റത്. സാരമായി പരിക്കേറ്റ മഹേഷിനെ കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചു. തൂറ്റിക്കൽ സ്വദേശി ആയിട്ടുള്ള ബിനുവാണ് കുത്തിയത് എന്നുള്ള വിവരങ്ങളാണ് പുറത്ത് വരുന്നത്. കൂടുതൽ വിവരങ്ങൾ പുറത്ത് വരുന്നതെയുള്ളൂ

ചിതറ ആയിരകുഴിയിൽ വീട്ടിനുള്ളിൽ മധ്യവയസ്‌ക്കനെ മരിച്ച നിലയിൽ കണ്ടെത്തി . ആയിരിക്കുഴി പാലമൂട്ടിൽ വീട്ടിൽ 52 വയസുകാരൻ വിശ്വനാഥനെയാണ് മരിച്ച നിലയിൽ കണ്ടെത്തിയത്. രണ്ട് ദിവസമായി പുറത്ത് കാണാതിരുന്ന വിശ്വനാഥനെ തിരക്കി സുഹൃത്തുക്കൾ വീട്ടിൽ എത്തിയപ്പോഴാണ് മരിച്ച നിലയിൽ വിശ്വനാഥനെ കാണുന്നത്. മൃതദേഹത്തിന് രണ്ട് ദിവസത്തോളം പഴക്കമുണ്ടെന്നാണ് പ്രാഥമിക വിവരം. ഒറ്റയ്ക്ക് താമസിച്ചിരുന്ന വിശ്വനാഥന് വാർദ്ധക്യസഹജമായ അസുഖങ്ങൾ ഉണ്ടായിരുന്നു. അസുഖം മൂർച്ഛിച്ചാണ് മരണപ്പെട്ടതെന്നാണ് പുറത്ത് വരുന്ന വിവരം. ചിതറ പോലീസ് സ്ഥലത്തെത്തി തുടർനടപടികൾ സ്വീകരിച്ചു . മൃതദേഹം…

കൊല്ലത്ത് വിവിധ സ്ഥലങ്ങളിൽ നിന്നും ബൈക്കുകൾ മോഷ്ടിച്ച് പൊളിച്ച് വിൽക്കുന്ന യുവാക്കൾ കൊല്ലം ഈസ്റ്റ് പൊലീസിൻ്റെ പിടിയിലായി. പുനലൂർ നരിക്കൽ സ്വദേശി സുബിൻ സുഭാഷ്, വെഞ്ചേമ്പ് സ്വദേശി നിജിൻ എന്നിവരാണ് അറസ്റ്റിലായത്. മൂന്നുമാസം കൊണ്ട് അറുപതിലധികം ബൈക്കുകളാണ് ഇരുവരും ചേർന്ന് മോഷ്ടിച്ചതെന്ന് പൊലീസ് പറഞ്ഞു. കൊല്ലം റെയിൽവേസ്റ്റേഷൻ പരിസരം, കെഎസ്ആർസിടി ബസ് സ്‌റ്റാൻഡ്, കുണ്ടറ, എഴുകോൺ, കൊട്ടാരക്കര, പുനലൂർ തുടങ്ങി പലയിടങ്ങളിൽ നിന്നാണ് സുബിൻ സുഭാഷും നിജിനും ചേർന്ന് ബൈക്കുകൾ മോഷ്ടിച്ചത്. പിന്നീട് ബൈക്കുകൾ പൊളിച്ച് പല…

പ്ലസ് ടു പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ റൂഷിൻ എസ് സജീറിന് ലഭിച്ച ക്യാഷ് അവാർഡ് തുക മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകി. വയനാട് ദുരിത ബാധിതരെ സഹായിക്കാനാണ് സംഭാവന നൽകിയത്. ചിതറ വളവുപച്ച സ്വദേശിയായ റൂഷിൻ വളവുപച്ച എ.കെ.എം. പബ്ലിക് സ്കൂൾ മാനേജർ സജീറിൻ്റെയും സിബിലയുടെയും മകളാണ്.

നിലമേൽ സാമൂഹ്യ ആരോഗ്യ കേന്ദ്രം ആരോഗ്യ വിഭാഗത്തിന്റെ നേതൃത്വത്തിൽ ഹെൽത്തി കേരളയുടെ ഭാഗമായി കടയ്ക്കൽ, കുമിൾ പഞ്ചായത്ത്‌ പരിധിയിലെ പള്ളിമുക്ക്, ചിങ്ങേലിഎന്നീ പ്രദേശത്തെ ഭക്ഷ്യ നിർമാണ വിതരണ സ്ഥാപനങ്ങളിൽ ശുചിത്വ പരിശോധന നടത്തി. പഴകിയ ആഹാര സാധനങ്ങൾ നശിപ്പിച്ചു. ലൈസെൻസ്,ശുചിത്വവും പാലിക്കാത്ത സ്ഥാപനങ്ങൾക്ക് മുന്നറിയിപ്പ് നോട്ടീസ് നൽകി. ഹെൽത്ത്‌ സൂപ്പർവൈസർ ജേക്കബ് ജോർജ്‌ ഹെൽത്ത്‌ ഇൻസ്‌പെക്ടർ ശ്രീകുമാർ എൻ, ജൂനിയർ ഹെൽത്ത്‌ഇൻസ്‌പെക്ടർമാരായ ലാലു പി കെ, സീനാറാണി എന്നിവർ പരിശോധനയിൽ പങ്കെടുത്തു.

ചടയമംഗലം എക്സൈസ് ഇൻസ്പെക്ടർ രാജേഷ്. എ. കെ യുടെ നേതൃത്വത്തിൽ നടത്തിയ പരിശോധനയിൽ കോട്ടുക്കൽ ആനപ്പുഴക്കൽ വച്ച് 1.039kg കഞ്ചാവ് കെടിഎം ഡ്യൂക്ക് ബൈക്കിൽ കടത്തിക്കൊണ്ടുവന്ന കുറ്റത്തിന് ഒന്നാം പ്രതിയായ കുമ്മിൽ തൃക്കണ്ണാപുരം സ്വദേശി രാവണ വില്ലയിൽ 31 വയസ്സുള്ള അതിശയൻ എന്ന് വിളിക്കുന്ന ജിജുവിനെ പിടികൂടി . കടയ്ക്കൽ മണികണ്ഠൻചിറ സ്വദേശി ജിത്തു ഭവനം വീട്ടിൽ 30 വയസ്സുള്ള രാഹുൽ എന്നയാളെ രണ്ടാം പ്രതിയാക്കി കേസെടുത്തു. രണ്ടാംപ്രതി സംഭവത്തിൽ നിന്ന് ഓടിപ്പോയതിനാൽ അറസ്റ്റ് ചെയ്യാൻ സാധിച്ചിട്ടില്ല….