കുമ്മിൾ ഗ്രാമപഞ്ചായത്ത് സ്റ്റേഡിയം നാടിന് സമർപ്പിച്ചു

കുമ്മിൾ ഗ്രാമ പഞ്ചായത്ത് സ്റ്റേഡിയം നാടിന് സമർപ്പിച്ചു. ഗ്രാമ പഞ്ചായത്ത് ഫണ്ടും ബഹുജനങ്ങളിൽ നിന്ന് സ്വരൂപിച്ച തുകയും ചേർത്ത് കുമ്മിൾ ജംഗ്ഷന് സമീപം വാങ്ങിയ 88 സെൻ്റ് സ്ഥലത്താണ് സ്റ്റേഡിയം തയ്യാറാക്കിയത്. മന്ത്രി ജെ ചിഞ്ചുറാണി സ്റ്റേഡിയത്തിൻ്റെ ഉദ്ഘാടനം നിർവ്വഹിച്ചു. പഞ്ചായത്ത് പ്രസിഡൻ്റ് കെ മധു അധ്യക്ഷനായി. വൈസ് പ്രസിഡൻ്റ് പി രജിത കുമാരി സ്വാഗതം പറഞ്ഞു. കേരളോത്സവത്തിൻ്റെ ഉദ്ഘാടനം ചടയമംഗലം ബ്ലോക്ക് പഞ്ചായത്ത് പ്രസിഡൻ്റ് ലതിക വിദ്യാധരൻ നിർവ്വഹിച്ചു. കിംസാറ്റ് ചെയർമാൻ എസ് വിക്രമൻ , സിപിഐ എം കൊല്ലം ജില്ലാ കമ്മറ്റി അംഗം എം നസീർ , ബ്ലോക്ക് പഞ്ചായത്ത് അംഗം എസ് രാധിക ,എ എം ഇർഷാദ്, കടയ്ക്കൽ സഹകരണ ബാങ്ക് പ്രസിഡൻ്റ് വി മിഥുൻ , പഞ്ചായത്ത് സ്റ്റാൻ്റിംഗ് കമ്മറ്റി ചെയർമാൻമാരായ
കെ കൃഷ്ണപിളള , ആർ ബീന , കെ റസീന , സിപിഐ എം കുമ്മിൾ ലോക്കൽ കമ്മറ്റി സെക്രട്ടറി എ.കെ സെയ്ഫുദ്ദീൻ , സി പി ഐ ലോക്കൽ കമ്മറ്റി സെക്രട്ടറി ഇ വി ജയപാലൻ , നിഫാൽ, പഞ്ചായത്ത് അംഗങ്ങളായ പി ശശികുമാർ, എം എസ് ജ്യോതി ,എം എസ് സുമേഷ് , കെ കെ വത്സ , ഷെമീർ , എൽ രജികുമാരി , വി ശാലിനി , സി ഡി എസ് ചെയർപേഴ്സൺ എസ് ഷീലാകുമാരി എന്നിവർ സംസാരിച്ചു. പഞ്ചായത്ത് സെക്രട്ടറി മുഹമ്മദ് റീസ നന്ദി പറഞ്ഞു .