വക്കം ലോക്കൽ കമ്മിറ്റിയുടെ നേതൃത്വത്തിൽ ഗ്രാമപഞ്ചായത്ത് ഓഫീസിനുള്ളിൽ ജനപ്രതിനിധികളെയും ഉദ്യോഗസ്ഥരെയും തടഞ്ഞുകൊണ്ട് നടത്തിയ ഉപരോധ സമരം ലോക്കൽ കമ്മിറ്റി സെക്രട്ടറി ടി ഷാജു ഉദ്ഘാടനം ചെയ്തു…….
കുടിവെള്ളക്ഷാമം നേരിടുന്ന പ്രദേശങ്ങളിൽ ജലം എത്തിക്കുന്നതിന് വേണ്ട നടപടികൾ കൈക്കൊള്ളണമെന്ന് സംസ്ഥാന സർക്കാർ ഒരു മാസം മുമ്പേ നിർദ്ദേശം നൽകിയിട്ടും യാതൊരുവിധത്തിലുള്ള പ്രവർത്തനങ്ങളും നടത്താത്ത ഭരണസമിതിയാണ് വക്കം ഗ്രാമപഞ്ചായത്തിലുള്ളതെന്നും ടി ഷാജു പറഞ്ഞു….
ഗ്രാമപഞ്ചായത്ത് അംഗങ്ങളെ ഉൾപ്പെടെ തടഞ്ഞുകൊണ്ടുള്ള ഉപരോധ സമരം ശക്തമായതോടെ പഞ്ചായത്ത് അധികൃതർ പോലീസിന്റെ സഹായം തേടുകയും കടയ്ക്കാവൂർ ഐ എസ് എച്ച് ഒ യുടെ സാന്നിധ്യത്തിൽ ചർച്ച നടത്തുകയും 24 മണിക്കൂറിനുള്ളിൽ കുടിവെള്ളം എത്തിക്കാമെന്ന് ഗ്രാമപഞ്ചായത്ത് അധികൃതർ ഉറപ്പ് നൽകിയതോടെ പ്രതിഷേധം അവസാനിപ്പിക്കുകയായിരുന്നു……
ഗ്രാമപഞ്ചായത്തംഗം ബി നൗഷാദ് ലോക്കൽ കമ്മിറ്റി അംഗങ്ങളായ സുനിൽകുമാർ, പ്രകാശ്, റസ്സൽ, ഡിവൈഎഫ്ഐ പ്രവർത്തകരായ നൈസ് ഖാൻ, സജീവ് തുടങ്ങിയവർ പങ്കെടുത്തു
