52 കിലോഗ്രാം കഞ്ചാവുമായി പിടികൂടിയ വളവുപച്ച സ്വദേശിക്കും കൂട്ടാളിക്കും  15 വർഷം ശിക്ഷ ;അന്വേഷണ മികവിൽ ചടയമംഗലം പോലീസ്.

അന്വേഷണ മികവിൽ ചടയമംഗലം പോലീസ്.. 52 കിലോഗ്രാം കഞ്ചാവുമായി പിടികൂടിയ പ്രതികൾക്ക് 15 വർഷം ശിക്ഷ വിധിച്ച് കൊല്ലം ഫസ്റ്റ് ക്ലാസ്   അഡീഷണൽ സെഷൻസ് കോടതി.

ഒരു വർഷത്തിനു മുമ്പ് ചടയമംഗലം പോലീസ് പിടികൂടിയ പ്രതികളാണ് ഇവർ. കാറിനുള്ളിൽ രഹസ്യ അറകൾ ഉണ്ടാക്കിയാണ് കഞ്ചാവ് കടത്തിയത്. ചിതറ വളവുപച്ച സ്വദേശി ഹെബിമോൻ തിരുവനന്തപുരം മഞ്ചവിളാകം സ്വദേശി ഷൈൻ എന്നിവരെയാണ് 52 കിലോഗ്രാം കഞ്ചാവുമായി പിടികൂടിയിരുന്നത്.

വ്യാജ നമ്പർ പ്ലേറ്റുകൾ ഫിറ്റ് ചെയ്തു വിവിധ സ്ഥലങ്ങളിൽ യാത്ര ചെയ്തിരുന്നു എന്നും പോലീസ് കണ്ടെത്തിയിരുന്നു.

ചടയമംഗലം എസ് ഐ മോനിഷ് എൻ സുനീഷ് എന്നിവരുടെ നേതൃത്വത്തിലാണ് അന്വേഷണം നടന്നിരുന്നത്.
കോടതിയിൽ ഹാജരാക്കിയ പ്രതികളെ കോടതി റിമാൻഡ് ചെയ്തിരുന്നു. പ്രതികൾ കുറ്റക്കാരാണെന്ന് തെളിയുകയും കൊല്ലം ഫസ്റ്റ് ക്ലാസ്   അഡീഷണൽ സെഷൻസ് കോടതി 15 വർഷം ശിക്ഷ വിധിച്ചു.