കടയ്ക്കൽ: കടയ്ക്കൽ ഗ്രാമപഞ്ചായത്തിലെ ഇടത്തറ വാർഡിന്റെ ADS വാർഷികം വിപുലമായി സംഘടിപ്പിച്ചു.
ഘോഷയാത്ര,ബാലസഭ കുട്ടികളുടെ കലാപരിപാടികൾ, കുടുംബശ്രീ അംഗങ്ങളുടെ കലാ മത്സരങ്ങൾ,പാചക മത്സരങ്ങൾ, കുടുംബ ശ്രീ ഗ്രൂപ്പുകളുടെ വടംവലി എന്നിവ സംഘടിപ്പിച്ചു.
തുടർന്ന് വൈകിട്ട് 4മണിമുതൽ വാർഡ് മെമ്പർ ശ്രീ. ബാബുവിന്റെ അധ്യക്ഷതയിൽ ചേർന്ന വാർഷിക പൊതുയോഗം ബഹു. മൃഗ സംരക്ഷണ ക്ഷീര വികസന വകുപ്പ് മന്ത്രി ശ്രീമതി. ജെ. ചിഞ്ചു റാണി ഉദ്ഘാടനം ചെയ്തു. CDS അംഗം ശ്രീമതി ആര്യ സ്വാഗതം ആശംസിച്ചു.
ഇടത്തറ ADS സെക്രട്ടറി റിപ്പോർട്ട്‌ അവതരിപ്പിച്ചു. കടയ്ക്കൽ ഗ്രാമ പഞ്ചായത്ത്‌ പ്രസിഡന്റ്‌ ശ്രീ. മനോജ്‌ കുമാർ മുതിർന്ന അംഗങ്ങളെ ആദരിച്ചു. .വിവിധ കലാപരിപാടികളിലും പാചക മത്സരത്തിലും വിജയിച്ച മത്സരാർഥികൾക്ക് ബ്ലോക്ക്‌ മെമ്പർ ശ്രീ സുധിൻ കടയ്ക്കൽ സമ്മാനങ്ങൾ വിതരണം ചെയ്തു. CDS ചെയർപേഴ്സൺ ശ്രീമതി എ. രാജേശ്വരി JLJ ഗ്രൂപ്പുകൾക്ക് സഹായം വിതരണം ചെയ്തു.
ശ്രീ. കടയിൽ സലീം, ശ്രീ.അരുൺ കെ. എസ്, ശ്രീമതി എസ്. എസ് ഷാനി, ശ്രീമതി റീന തുടങ്ങിയ ജന പ്രതിനിധികളും ജില്ലാ ലൈബ്രറി കൗൺസിൽ അംഗം ശ്രീമതി കെ.ദീപ തുടങ്ങിയവർ ആശംസ അർപ്പിച്ചു. ADS ചെയർപേഴ്സൺ ശ്രീമതി ദിവ്യ കൃതജ്ഞത അറിയിച്ചു.
