February 2025

സൗദി മധ്യപ്രവിശ്യയിൽ പള്ളിയിൽ പ്രാർഥനക്കിടെ മലയാളി കുഴഞ്ഞുവീണ് മരിച്ചു. റിയാദിൽനിന്ന് 200 കിലോമീറ്ററകലെ മജ്മഅയിൽ കൊല്ലം ചിതറ മാങ്കോട് തട്ടുപാലം സ്വദേശി ആഫിയ മൻസിലിൽ നാസറുദീൻ (53) ആണ് മരിച്ചത്. കഫ്ത്തീരിയ ജീവനക്കാനായ ഇദ്ദേഹം ദീർഘകാലമായി പ്രവാസിയാണ്. പരേതരായ ശൈഖ് മൊയ്തീൻ, സുഹറ ബീവി എന്നിവരാണ് മാതാപിതാക്കൾ. ഭാര്യ: സുനില, മക്കൾ: മുഹമ്മദ്‌, ആഫിയ.മൃതദേഹം മജ്മഅയിൽ തന്നെ ഖബറടക്കുന്നതിനുള്ള നടപടിക്രമങ്ങൾ പൂർത്തീകരിക്കാൻ മജ്മഅ കെ.എം.സി.സി നേതാക്കളായ ജംഷാദ് മുസ്ല്യാരങ്ങാടി, നൗഷാദ് പാങ്ങോട്, മുസ്തഫ അങ്ങാടിപ്പുറം, നിസാർ പാങ്ങോട്,…

മുലപ്പാല്‍ തൊണ്ടയില്‍ തിങ്ങി കുഞ്ഞ് മരിച്ചു. ഇടവ ഓടയം ഒറ്റപുന്നവിളയില്‍ നൗഷാദ് – രേഷ്ന ദമ്ബതികളുടെ കുഞ്ഞാണ് മരിച്ചത്. 48 ദിവസം പ്രായമുള്ള നെഹിയാൻ എന്ന ആണ്‍കുഞ്ഞാണ് മരിച്ചത്. രാവിലെ കുഞ്ഞിന് മുലപ്പാല്‍ നല്‍കിയശേഷം കുട്ടിയെ കട്ടിലില്‍ കിടത്തിയിരുന്നു. മൂത്തകുട്ടിയെ സ്കൂളില്‍ വിട്ടശേഷം തിരികെ വന്നു നോക്കുമ്ബോള്‍ കുഞ്ഞിന് അനക്കം ഉണ്ടായിരുന്നില്ല. തുടർന്ന്, വർക്കലയിലെ സ്വകാര്യ ആശുപത്രിയില്‍ എത്തിച്ചെങ്കിലും കുഞ്ഞിന് മരണം സംഭവിച്ചിരുന്നു. അയിരൂർ പോലീസ് ഇൻക്വസ്റ്റ് തയ്യാറാക്കി പോസ്റ്റ്മോർട്ടം നടപടികള്‍ക്കായി പാരിപ്പള്ളി മെഡിക്കല്‍ കോളജിലേക്ക് മാറ്റിയിരിക്കുകയാണ്

കുമ്മിൾ ഗ്രാമപഞായത്ത് രൂപീകരണത്തിന് ശേഷം ആദ്യമായി സി.പി.ഐ യ്ക്ക് പ്രസിഡന്റ് പദവി ലഭിക്കുന്നത്. സിപിഐ കടയ്ക്കൽ മണ്ഡലം സെക്രട്ടേറിയറ്റ് അംഗം കെ.കൃഷ്ണപിള്ളയാണ് പഞ്ചായത്ത് പ്രസിഡണ്ടായി ചുമതല ഏറ്റെടുത്തത്. ജില്ലയിലെ മികച്ച ഗ്രാമപഞ്ചായത്തുകളിൽ ഒന്നാണ് കുമ്മിൾ ഗ്രാമപ്പഞ്ചായത്ത് സിപിഐ സിപിഐഎം മുന്നണി ധാരണ പ്രകാരമാണ്‌ ഇപ്പോൾ സിപിഐഎം ജനപ്രതിനിധിയായി ജയിച്ചു വന്ന ജെ. മധു പ്രസിഡന്റ് സ്ഥാനമൊഴിഞ്ഞ് കൊണ്ട് സിപിഐയ്ക്ക് പ്രസിഡന്റ് സ്ഥാനം കൈമാറിയത്.

കടയിൽ കടപറ്റിയ പണം ചോദിച്ചതിന് കടകത്തിച്ചയാൾ പിടിയിൽ.മടത്തറ ശിവൻമുക്ക് വട്ടവിളവീട്ടിൽ വാസുദേവനാണ് പിടിയിലായത്. കഴിഞ്ഞ നാലാം തിയതി പതിനൊന്നരമണിയോടെയാണ് കടകത്തുന്നത് കണ്ട ലോറിഡ്രൈവർ കട ഉടമയെയും പൊലീസിനെയും വിവരം അറിയിക്കുന്നത്.തുടർന്ന് ഫയർഫോഴ്സെത്തി തീ അണച്ചുസംശയം ഉളളവരെ കേന്ദ്രീകരിച്ചും സിസീടീവി ദൃശ്യങ്ങൾ പരിശോധന നടത്തിയുമാണ് പോലീസ് പ്രതിയെ കണ്ടെത്തിയത്. വാസുദേവൻ മടത്തറ ശിവൻമുക്കിലെ GG storil നിന്നും കഴിഞ്ഞ വർഷം സാധനം വാങ്ങിയ വകയിൽ 2860രൂപ കൊടുക്കാനുണ്ട്.കട ഉടമ പ്രഫുല്ലചന്ദ്രൻ നായർ കഴിഞ്ഞ ദിവസം ഇയ്യാളോട് പണം അവശ്യപെട്ടു…

അഞ്ചലിൽ നവംബറിൽ നടന്ന എംഡിഎംഎ വേട്ടയുമായി ബന്ധപ്പെട്ട് മൂന്ന് പേർ കൂടി അറസ്റ്റിൽ. അലയമണ്‍ സ്വദേശി ലീന ജേക്കബ്, മകന്‍ റോണക്ക് സജു ജോർജ്, ആലഞ്ചേരി സ്വദേശി ആകാശ് എന്നിവരാണ് അറസ്റ്റിലായത്. ലീനയുടെ ഡ്രൈവര്‍ കൂടിയായ മറ്റൊരു പ്രതി പ്രദീപ് ചന്ദ്രൻ കഴിഞ്ഞ ദിവസം പിടിയിലായിരുന്നു. കഴിഞ്ഞ വർഷം നവംബറിലാണ് 84 ഗ്രാം എംഡിഎംഎയുമായി അഞ്ചലിലെ കോൺഗ്രസ് നേതാവ് ഷിജുവും സുഹൃത്തായ സാജനും പിടിയിലായത്. ലഹരി മരുന്ന് സംഘത്തിൽ കൂടുതൽ പേരുണ്ടെന്ന പൊലീസിന്റെ നിഗമനമാണ് 4 പ്രതികളുടെ…

ചിതറ ഗ്രാമപ്പഞ്ചായത്തിലെ ഹരിത കർമ്മ സേന അംഗങ്ങളായ സലീന മഞ്ജു എന്നിവർക്ക് കിട്ടിയ സ്വർണ മോതിരം ഉടമസ്ഥനെ തിരിച്ചേല്പിക്കാനായി ചിതറ ഗ്രാമപ്പഞ്ചായത്ത് പ്രസിഡന്റ് ശ്രീ മടത്തറ അനിലിന്റെ കൈയ്യിൽ ഏൽപ്പിച്ച് മാതൃകയായിരിക്കുകയാണ് ഇവർ. വളവുപച്ച വാർഡിൽ വാതിൽപ്പടി ശേഖരണത്തിനായി പോകുന്നതിനിടെയാണ് ഇവർക്ക് മോതിരം നഷ്ടപ്പെട്ട രീതിയിൽ കിട്ടുന്നത്. ഉടമസ്ഥനെ കണ്ടെത്താൻ ശ്രമം നടത്തി എങ്കിലും കഴിയാതിരുന്നതിനെ തുടർന്നാണ് ഇവർ പഞ്ചായത്ത് പ്രസിഡന്റിനെ മോതിരം ഏല്പിക്കുന്നതും.

വളവുപച്ചയിൽ കഴിഞ്ഞ ഞായറാഴ്ച ഉണ്ടായ ബൈക്ക് അപകടത്തിൽ ചികിത്സയിൽ കഴിഞ്ഞിരുന്ന യുവാവ് മരണപ്പെട്ടു. രാത്രി 10.30 ഓടെയാണ് അപകടം സംഭവിച്ചത് . ബൈക്കിന് കുറുകെ പൂച്ച ചാടിയതിനെ തുടർന്ന് ബ്രേക്ക് ചെയ്തപ്പോൾ വീഴുകയായിരുന്നു എന്നാണ് ദൃസാക്ഷികൾ പറയുന്നത്. ഉണ്ണിമുക്ക് ,സൂര്യകുളം സ്വദേശി പ്രേം രാജ്(ചന്തു) 24 ആണ് മരണപ്പെട്ടത് പ്രസന്നൻ ഉഷ ദമ്പതികളുടെ മകനാണ് പ്രേം രാജ് സൂര്യകുളത്ത് വാടക വീട്ടിലെ താമസക്കാർ ആണ്

വീട്ടുമുറ്റത്തെ കരിയില കൂട്ടിയിട്ട് കത്തിക്കുന്നതിനിടെ പൊള്ളലേറ്റ് വയോധിക മരിച്ചു. ആൽത്തറമൂട് തളിയിൽ ക്ഷേത്രത്തിന് സമീപം കുഴിഞ്ഞഴികത്ത് വീട്ടിൽ ജാനകി അമ്മ (80)യാണ് മരിച്ചത്. ബുധനാഴ്ച വൈകിട്ടായിരുന്നു സംഭവം. വീടിന് പിന്നിലുള്ള കുഴിയിൽ കരിയിലയിട്ട് കത്തിക്കുന്നതിനിടെ കാൽവഴുതി വീഴുകയായിരുന്നുവെന്ന് കരുതുന്നു. ഈ സമയം വീട്ടിൽ മറ്റാരുമുണ്ടായിരുന്നില്ല. ഏറെ സമയത്തിന് ശേഷം അയൽവാസികളാണ് സാരമായി പൊള്ളലേറ്റ നിലയിൽ കണ്ടത്. കടയ്ക്കൽ താലൂക്ക് ആശുപത്രിയിൽ എത്തിച്ചപ്പോഴേയ്ക്കും മരിച്ചു. മൃതദേഹം ആശുപത്രി മോർച്ചറിയിൽ. മകൻ: സുനിൽകുമാർ (ബി.എസ്.എഫ്, കശ്മീർ). മരുമകൾ: ഗീത.

ആറ്റിങ്ങൽതോട്ടവാരം രേവതിയിൽ 57 വയസ്സുള്ള ബിന്ദുകുമാരിയെയാണ് കാള കുത്തി വീഴ്ത്തിയത്. വീഴ്ചയിൽ ഗുരുതര പരിക്കേറ്റ വീട്ടമ്മ തിരുവനന്തപുരത്ത് ഒരു സ്വകാര്യ ആശുപത്രിയിൽ ചികിത്സയിലിരിക്കെ ഇന്ന് രാവിലെയോടെ മരണപ്പെടുകയായിരുന്നു. തിങ്കളാഴ്ച്ച ഉച്ചയോടെയായിരുന്നു സംഭവം. കുഴിമുക്കിൽ നിന്നും വിരണ്ടോടിയ സമയത്തായിരുന്നു ബിന്ദുവിനെ കുത്തി വീഴ്ത്തിയത്. കാളയെ കൊല്ലംപുഴ ഭാഗത്ത് എത്തിയപ്പോഴാണ് കീഴടക്കാൻ ആയത്. ഏറെനേരം ആൾക്കാരെ മുൾമുനയിൽ നിർത്തിയെങ്കിലും ഒടുവിൽ തിരുവാറാട്ടു കാവ് ദേവീ ക്ഷേത്രത്തിലെ ആനപ്പാപ്പാനായ ബിജുവാണ് കീഴ്പെടുത്തിയത്. ഫയർഫോഴ്സും സംഘവും വൻ ജനാവലി എത്തിയിട്ടും മണിക്കൂറുകളോളം ഒന്നും…