കഴിഞ്ഞ ദിവസമാണ് ചിതറ ഗ്രാമപ്പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയർമാൻ ഷിബു എസിന്റെ വീടിന് നേരെ യുവാക്കൾ ആക്രമണം നടത്തിയത് . ചിതറ പഞ്ചായത്തിലെ കിളിത്തട്ട് വാർഡ് മെമ്പർ കൂടിയാണ് ഇദ്ദേഹം .
അംബരീഷ്, ആദർശ് എന്നിവരാണ് അക്രമവും അസഭ്യവർഷവും നടത്തിയത്. അംബരീഷിന്റെ ബന്ധു പണമിടപാടുമായി ബദ്ധപ്പെട്ട് പണം തിരികെ നൽകുന്നത് വാർഡ് മെമ്പറുടെ സാന്നിധ്യം വേണമെന്ന് ആവശ്യപ്പെടുകയും തുടർന്ന് ഇതിനായി വാർഡ് മെമ്പറുടെ വീട്ടിൽ ഇരുവരും എത്തുകയുമായിരുന്നു.
തുടർന്നാണ് വീടിന് മുന്നിൽ നിന്ന് അസഭ്യം പറയാൻ ആരംഭിച്ചത്. ഇതിനെ എതിർത്ത ഗ്രാമപ്പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയർമാനേയും ഭാര്യയെയും അസഭ്യം പറയുകയും ഭാര്യ ലേഖ കുമാരിയെ കൈയേറ്റം ചെയ്യുകയും ചെയ്തു. തുടർന്ന് ചിതറ പോലീസ് സ്റ്റേഷനിലും കൊട്ടാരക്കര ഡി വൈ എസ് പി ഓഫീസിലും പരാതി നൽകി .
എന്നാൽ ഒരു പഞ്ചായത്ത് അംഗത്തിന്റെ വീടിന് നേരെ നടന്ന അക്രമത്തിൽ കേസ് രജിസ്റ്റർ ചെയ്യാൻ പോലീസ് ഇതുവരെ തയ്യാറായിട്ടില്ല എന്ന് ആക്ഷേപമുണ്ട്
