യൂത്ത് കോൺഗ്രസ് പ്രസിഡന്റിനെ അകാരണമായി അറസ്റ്റ് ചെയ്തതിൽ പ്രതിഷേധിച്ച് യൂത്ത് കോൺഗ്രസ് ചടയമംഗലം നിയോജകമണ്ഡലം കമ്മിറ്റിയുടെ നേതൃത്വത്തിൽ ചടയമംഗലം ജംഗ്ഷനിൽ എം.സി റോഡ് ഉപരോധിച്ചു.
എം.സി റോഡ് ഉപരോധത്തെ തുടർന്ന് റോഡിൽ ഗതാഗതം പൂർണമായി സ്തംഭിച്ചു. തുടർന്ന് പോലീസ് സ്ഥലത്തെത്തി സമരക്കാരുമായി ചർച്ച നടത്തിയെങ്കിലും ഉപരോധം അവസാനിപ്പിക്കുവാൻ തയ്യാറായില്ല. തുടർന്ന് കൂടുതൽ പോലീസ് സ്ഥലത്തെത്തി സമരക്കാരെ അറസ്റ്റ് ചെയ്ത് പോലീസ് സ്റ്റേഷനിലേക്ക് മാറ്റി. തുടർന്ന് വൈകിട്ടോടെ ജാമ്യം നൽകി വിട്ടയച്ചു.
ചടയമംഗലം അസംബ്ലി പ്രസിഡന്റ്‌ മാഹീൻ പുത്തയം അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി വി.ടി സിബി ഉദ്ഘാടനം ചെയ്തു. കെ.എസ്.യു യൂത്ത് കോൺഗ്രസ് നേതാക്കളായ ലിവിൻ വേങ്ങൂർ, അനീസ്.എം.എസ്, അബീഷ് കൃഷ്‌ണൻ, സുധീർ തലവരമ്പ്, അരുൺചിതറ, ജിതിൻ പാറങ്കോട്, നസീബ് റഹ്മാൻ, സിബിൻ നിലമേൽ, അൻഷാദ് പുത്തയം, അനന്തകൃഷ്ണൻ എന്നിവർ നേതൃത്വം നൽകി…
