നെടുമങ്ങാട് സ്വദേശി ഹരികൃഷ്ണന്‍, മിഥുന്‍ എന്നിവര്‍ക്കാണ് പരിക്കേറ്റത്. കഴിഞ്ഞ ദിവസം വൈകുന്നേരം അഞ്ചോടെയാണ് അപകടം ഉണ്ടായത്. കാര്‍ യാത്രികര്‍ കുറ്റാലം വെള്ളച്ചാട്ടം കണ്ടു മടങ്ങിവരികയായിരുന്നു എന്നാണു വിവരം.
മറ്റൊരു വാഹനത്തെ മറികടക്കാന്‍ ശ്രമിക്കവേ കാര്‍ കൊക്കയിലേക്ക് മറിയുകയായിരുന്നു.
ഓടിയെത്തിയ നാട്ടുകാര്‍ ഒരുമണിക്കൂറോളം ശ്രമിച്ചു കാര്‍ വെട്ടിപൊളിച്ചാണ് പരിക്കേറ്റവരെ പുറത്തെടുത്ത് ആശുപത്രിയിലേക്ക് മാറ്റിയത്. ഇരുവരുടെയും പരിക്ക് ഗുരുതരമാണെന്ന് രക്ഷാപ്രവര്‍ത്തനം നടത്തിയവര്‍ പറഞ്ഞു. തെന്മല പോലീസ് സ്ഥലത്തെ എത്തി മേല്‍നടപടികള്‍ സ്വീകരിച്ചു.
