ചടയമംഗലം പൂങ്കോട് മണികണ്ഠ വിലാസത്തിൽ സുനിൽ കുമാർ(34) നെയാണ് ചടയമംഗലം പോലീസ് അറസ്റ്റ് ചെയ്തത്. മൂക്കിന് ഗുരുതരമായി പരിക്ക് പറ്റിയ യുവതിയെ കടയ്ക്കൽ താലൂക്ക് ആശുപത്രിയിൽ പ്രവേശിപ്പിച്ചു. അവിടെ നടത്തിയ സ്കാനിംഗിൽ യുവതിയുടെ മൂക്കിന്റെ പാലത്തിന് പൊട്ടൽ ഉള്ളതായി കണ്ടെത്തി.
കടയ്ക്കൽ സ്വദേശിനിയെ മദ്യപിച്ച് എത്തുന്ന സുനിൽ കുമാർ നിരന്തരം മർദ്ദിച്ചിരുന്നു. ഈ കാരണത്താൽ കടയ്ക്കലിലെ നീതുവിന്റെ മാതാ പിതാക്കൾക്കൊപ്പമായിരുന്നു താമസം . കോടതിയിൽ നിന്നും നീതു സുനിൽ കുമാറിനെതിരെ പ്രൊട്ടക്ഷൻ ഉത്തരവും വാങ്ങിയിരുന്നു . എന്നാൽ കുറച്ചു നാൾ മുമ്പ് ഇവർ തമ്മിലുള്ള പ്രശ്നം പരിഹരിച്ചു ഒരുമിച്ച് താമസം തുടങ്ങിയിരുന്നു.
ഇതിനിടെയാണ് കഴിഞ്ഞ ചൊവ്വാഴ്ച രാത്രി മദ്യപിച്ച് എത്തിയ സുനിൽകുമാർ വീണ്ടും നീതുവിനെ മർദ്ദിച്ചത് . മർദ്ദനം ഏറ്റ നീതു അവിടെ നിന്നും സ്വന്തം വീട്ടിലേക്ക് ഇറങ്ങാൻ ശ്രമിക്കവേ ആണ് ഹെൽമെറ്റ് കൊണ്ട് തലക്ക് അടിക്കാൻ സുനിൽ കുമാർ ശ്രമിച്ചത് . ഒഴിഞ്ഞു മാറിയ നീതുവിന്റെ മൂക്കിനാണ് അടിയേറ്റത് . നാട്ടുകാരും ബന്ധുക്കളും സംഭവം അറിഞ്ഞു എത്തുകയും നീതുവിനെ ആശുപത്രിയിൽ എത്തിക്കുകയുമായിരുന്നു .
നീതുവിന്റെ പരാതിയിൽ സുനിൽ കുമാറിനെ അറസ്റ്റ് ചെയ്തു കോടതിയിൽ ഹാജരാക്കി റിമാന്റ് ചെയ്തു.
