കുളത്തുപ്പുഴ കടമാൻകോഡാണ് സംഭവം. കുളത്തുപ്പുഴ കടമാൻ കോഡ് സ്വദേശിനിയായ ആതിരയെ ഇന്നലെ രാത്രി 12 മണിക്ക് ഭർത്താവ് ബാലു കറി കത്തി ഉപയോഗിച്ച് കൊലപ്പെടുത്താൻ ശ്രമിച്ചു എന്നാണ് പരാതി.
ഇവർ തമ്മിൽ കുടുംബ വഴക്കിനെ തുടർന്ന് പിരിഞ്ഞു കഴിയുകയായിരുന്നു. ബാലു ക്രൂമായി മർദിക്കുകയും കഴുത്തിൽ ഷാൾ മുറുക്കി കൊലപ്പെടുത്താൻ ശ്രമിച്ചിരുന്നു എന്നും ആതിര പറയുന്നു.
കഴിഞ്ഞ ദിവസം 12 മണിക്ക്, മാറിതാമസിച്ചിരുന്ന ആതിരയുടെ വീട്ടിൽ അതിക്രമിച്ചു കയറിയ ബാലു ആതിരയെ ചവിട്ടി വീഴ്ത്തുകയും ആതിരയുടെ മുകളിൽ കയറി ഇരുന്ന് കഴുത്തിൽ കറി കത്തി ഉപയോഗിച്ച് വെട്ടികയായിരുന്നു എന്നും ആതിര പോലീസിൽ മൊഴി നൽകി.
രണ്ട് കുട്ടികളുടെ മാതാവ് കൂടിയാണ് ആതിര.
ആതിരയെ ആക്രമിക്കുന്നത് തടയാൻ ശ്രമിച്ച ആതിരയുടെ അമ്മയെ തലയ്ക്ക് അടിച്ചു വീഴ്ത്തി ബാലു ഓടി രക്ഷപ്പെടുകയായിരുന്നു.
ആതിരയെ നാട്ടുകാരുടെ സഹായത്തോടെ പുനലൂർ താലൂക്ക് ആശുപത്രിയിൽ കൊണ്ട് പോകുകയും . അടിയന്തര ശസ്ത്രക്രിയ നടത്തിയുമാണ് ജീവൻ രക്ഷിച്ചത്.
ബാലുവിനെ ഇന്നലെ തന്നെ കുളുത്തൂപ്പുഴ പോലീസ് അറസ്റ്റ് ചെയ്തു.
