ചിതറ ഗ്രാമപ്പഞ്ചായത്ത് അരിപ്പ വാർഡിലെ പട്ടിക വർഗ ഗവർൺമെന്റ് സ്കൂളിലെ കിച്ചൻ ഷെഡിന്റെ നിർമാണ ഉദ്ഘാടനം പഞ്ചായത്ത് പ്രസിഡന്റ് ശ്രീ എം എസ് മുരളി നിർവഹിച്ചു.
അരിപ്പ വാർഡ് മെമ്പർ ശ്രീ പ്രജിത്തിന്റെ അധ്യക്ഷതയിൽ ചേർന്ന യോഗത്തിൽ
സ്കൂളിന്റെ ഹെഡ്മിസ്ട്രസ് ബീന ടീച്ചർ സ്വാഗതം പറഞ്ഞു.മുൻ PTA പ്രസിഡന്റ് ശ്രീ.ഗിരീഷ്, തൊഴിലുറപ്പ് AE ശ്രീ. അജാസ് തുടങ്ങിയവർ സംസാരിച്ചു. PTA പ്രസിഡന്റ് ശ്രീമതി കൃഷ്ണജ നന്ദി പറഞ്ഞു.
കിച്ചൻ ഷെഡിന്റെ നിർമ്മാണം കുടുംബശ്രീ ഗ്രൂപ്പ് ആയ നക്ഷത്ര കൺസ്ട്രക്ഷൻ ഗ്രൂപ്പ് ആണ് ഏറ്റെടുത്ത് നടപ്പിലാക്കുന്നത്. നിർമ്മാണ പ്രവർത്തനങ്ങൾ വേഗത്തിൽ പൂർത്തിയാക്കണമെന്ന് പഞ്ചായത്ത് പ്രസിഡന്റ് നിർദേശം നൽകി.സ്കൂൾ ചുറ്റുമതിലിന്റെ നിർമ്മാണം തൊഴിലുറപ്പ് പദ്ധതിയിലൂടെ അടുത്ത സാമ്പത്തിക വർഷം നടപ്പിലാക്കാൻ തീരുമാനിച്ചിട്ടുണ്ടെന്നും ശ്രീ. എം.എസ്. മുരളി അറിയിച്ചു.
