കഴിഞ്ഞ ദിവസം കാണാതായ കോളേജ് വിദ്യാര്‍ഥിയുടെ മൃതദേഹം കല്ലടയാറ്റില്‍ കണ്ടെത്തി. അഞ്ചല്‍ പുത്തയം സ്വദേശിയും ജോയിന്‍റ് എക്സൈസ് കമ്മീഷണറുമായ താജുദ്ദീന്‍ കുട്ടി, സബീന ബീവി ദമ്പതികളുടെ മകന്‍ സജില്‍ താജ് (20) ന്‍റെ മൃതദേഹമാണ് ഇന്ന് പുലര്‍ച്ചെ കണ്ടെത്തിയത്. പുനലൂര്‍ എസ്.എന്‍ കോളേജിലെ രണ്ടാം വര്‍ഷ ബിരുദ വിദ്യാര്‍ഥിയാണ് സജില്‍ താജ്. ഇന്നലെ കോളേജിലേക്ക് പോയ സജിലിനെ ഉച്ചയോടെ കാണാതായിരുന്നു. വ്യാപകമായ തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞിരുന്നില്ല. മൊബൈല്‍ ലൊക്കേഷന്‍ ഉള്‍പ്പടെ ശേഖരിച്ചു അന്വേഷണം തുടരവെയാണ് ഇന്ന് പുലര്‍ച്ചേ മൃതദേഹം കണ്ടെത്തുന്നത്. അസ്വാഭാവിക മരണത്തിനു കേസെടുത്ത പുനലൂര്‍ പോലീസ് അന്വേഷണം ആരംഭിച്ചിട്ടുണ്ട്. ഇന്നുച്ചകഴിഞ്ഞു പുത്തയം മുസ്ലീം ജമാഅത്തില്‍ മൃതദേഹം സംസ്കരിക്കും
അഞ്ചലിൽ നിന്നും കഴിഞ്ഞ ദിവസം കാണാതായ കോളേജ് വിദ്യാര്‍ഥിയുടെ മൃതദേഹം കല്ലടയാറ്റിൽ
Subscribe
Login
0 Comments
Oldest
