ബൈക്കില്‍ അമിത വേഗത്തില്‍ പാഞ്ഞ യുവാവ് ടിപ്പര്‍ ഇടിച്ച് മരിച്ചു; അപകടം പൊലീസ് പിന്തുടര്‍ന്നതിനെ തുടര്‍ന്നെന്ന് ആരോപണം
പൊലീസിനെ ഭയന്ന് അമിത വേഗത്തിൽ ബൈക്ക് ഓടിച്ച് അപകടത്തിൽപെട്ട് യുവാവ് മരിച്ചു. കടയ്ക്കൽ കുമ്പളം ചരുവിള പുത്തൻ വീട്ടിൽ സുബിൻ (36) ആണു മരിച്ചത്. കഴിഞ്ഞ ചൊവ്വാഴ്ച രാവിലെയായിരുന്നു സംഭവം. പൊലീസ് പിന്തുടരുന്നതു കണ്ട് സുബിൻ അമിത വേഗത്തിൽ സഞ്ചരിക്കുകയായിരുന്നു. ബൈക്കിൽ കൂടെയുണ്ടായിരുന്ന സുഹൃത്ത് ബിജുവിനെ റോഡിൽ ഇറക്കിയ ശേഷം സുബിൻ ബൈക്ക് ഓടിച്ചു പോയപ്പോഴാണ് അപകടം ഉണ്ടായത്. ബിജുവിനെ പൊലീസ് കസ്റ്റഡിയിൽ എടുത്തു. സുബിൻ ഗുരുതരാവസ്ഥയിൽ ആശുപത്രിയിൽ ആണെന്ന് അറിഞ്ഞു കസ്റ്റഡിയിൽ എടുത്ത ബിജുവിനെ വിട്ടയച്ചു….