ജില്ലാ കളക്ടർ

അമീബിക് മസ്തിഷ്‌ക ജ്വരത്തിനെതിരെ കൂട്ടായ പ്രതിരോധം തീർക്കാം സർക്കാർ അനുശാസിക്കുന്ന മാർഗ്ഗനിർദേശങ്ങൾ കൃത്യമായി പാലിച്ച് അമീബിക് മസ്തിഷ്‌ക ജ്വരത്തിനെതിരെ പ്രതിരോധം തീർക്കാൻ എല്ലാവരും കൈകോർക്കണം. കെട്ടിക്കിടക്കുന്നവെള്ളത്തില്‍ കുളിക്കുന്നതും നീന്തുന്നതും ഒഴിവാക്കുക. വാട്ടര്‍ തീംപാര്‍ക്കുകളിലെയും സ്വിമ്മിങ് പൂളുകളിലെയും വെള്ളം ക്‌ളോറിനേറ്റ് ചെയ്ത് ഉപയോഗിക്കുക. ജലസ്രോതസ്സുകളില്‍ കുളിക്കുമ്പോള്‍ മൂക്കിലേക്ക് വെള്ളം കയറാതിരിക്കാന്‍ ശ്രദ്ധിക്കുക. മലിനമായ ജലത്തില്‍ മുങ്ങികുളിക്കുന്നതും മുഖവും വായും ശുദ്ധമല്ലാത്ത വെള്ളത്തില്‍ കഴുകുന്നതും പൂര്‍ണമായി ഒഴിവാക്കുക. കിണറിലെ വെള്ളം ക്‌ളോറിനേറ്റ് ചെയ്തതിന് ശേഷം മാത്രം ഉപയോഗിക്കുക. വെള്ളം സംഭരിക്കുന്ന…

ഓണ വിപണിയിൽ മിന്നൽ പരിശോധന നടത്തി. വിലക്കയറ്റം നിയന്ത്രിക്കുന്നതിന്റെ ഭാഗമായി ജില്ലാ കലക്ടർ എന്ന നിലയ്ക്ക് വ്യാപാര സ്ഥാപനങ്ങളിൽ മിന്നൽപരിശോധന നടത്തി. കിഴക്കൻ മേഖലയായ പുനലൂരിലെ വിവിധ കടകളിലാണ് പരിശോധന നടത്തിയത്. സാധനങ്ങൾ പൂഴ്ത്തിവെച്ച് വിലക്കയറ്റം ഉണ്ടാക്കുന്നതും അളവ് തൂക്ക മാനദണ്ഡങ്ങളിൽ വീഴ്ചവരുത്തുന്നതും പരിശോധിച്ചു. പൊതുജനത്തിന് കാണത്തക്കവിധം വില വിവരപട്ടിക പ്രദർശിപ്പിക്കാത്ത കടകൾക്ക് താക്കീത് നൽകി. നിയമലംഘനം തുടർന്നാൽ കർശന നടപടിയെടുക്കുമെന്ന് മുന്നറിയിപ്പും നൽകി. അളവ് -തൂക്ക ഉപകരണങ്ങളുടെ കൃത്യതയും പരിശോധിച്ചു. ഹോൾസെയിൽ വിപണിയിൽ നിന്ന് വാങ്ങുന്ന…

കൊല്ലം ജില്ലയിലെ വ്യാപാരസ്ഥാപനങ്ങളിൽ വിലവിവര പട്ടിക പ്രദർശിപ്പിക്കാത്തവർക്കെതിരെകർശന നടപടി സ്വീകരിക്കുമെന്ന് കളക്ടർ അഫ്സാന പർവീൺ അറിയിച്ചു. നിത്യോപയോഗ സാധനങ്ങളുടെ വിലവർധനവ് സംബന്ധിച്ച് ചേമ്പറിൽ ചേർന്ന വ്യാപാരി വ്യവസായികളുടെ യോഗത്തിലാണ് നിർദ്ദേശം നൽകിയത്. വ്യാപാര സ്ഥാപനങ്ങൾ അമിതവില ഈടാക്കുന്നതായി പരാതി ലഭിച്ചാൽ കർശന നടപടി സ്വീകരിക്കുമെന്നും അവശ്യ വസ്തുക്കളുടെ പൂഴ്ത്തിവെപ്പ് തടയുന്നതിന് ബന്ധപ്പെട്ട വകുപ്പുകൾ കൃത്യമായി പരിശോധന നടത്തണമെന്നും കലക്ടർ നിർദേശം നൽകി. ഉത്തരേന്ത്യയിലെ പ്രളയമാണ് വിലക്കയറ്റത്തിന് കാരണമെന്നും ഓണത്തിന് മുമ്പ് പച്ചക്കറിയുടെ വിലയിൽ കുറവുണ്ടാകുമെന്നും വ്യവസായ പ്രതിനിധികൾ…

കുളത്തൂപ്പുഴ പഞ്ചായത്തിലെ പട്ടികവർഗ കോളനികളായ കടമാൻകോട്, കുഴവി എന്നിവിടങ്ങളിൽ കലക്ടർ അഫ്‌സാന പർവീൺ സന്ദർശനം നടത്തി. സന്ദർശന വേളയിൽ കോളനിയിലെ സാംസ്കാരിക കേന്ദ്രവും സാമൂഹിക പഠനമുറിയും  നേരിൽ കണ്ടു വിലയിരുത്തി . കോളനി നിവാസികൾക്കായി പട്ടികവർഗ വകുപ്പ് നൽകിയ ഭക്ഷ്യധാന്യ കിറ്റിന്റെ ഉദ്ഘാടനം കലക്ടർ നിർവഹിച്ചു. കൂടാതെ സാംസ്കാരിക നിലയത്തിൽ കരകൗശല സംഘങ്ങൾക്കുള്ള ഉപകരണങ്ങളുടെ വിതരണോദ്ഘാടനവും കലക്ടർ നിർവഹിച്ചു. കടമാൻകോട് കോളനി മോഡൽ പ്രീ സ്കൂൾ, എഎൻഎം സെന്റർ, സർക്കാർ സന്ദർശിച്ച ട്രൈബൽ എൽപി സ്കൂൾ, കുഴവിയോട്…