കാട്ടുപോത്ത്

വിതുരയിൽ റോഡിലേക്കു പാഞ്ഞു കയറിയ കാട്ടുപോത്ത് ബൈക്കിൽ ഇടിച്ച് തെറിച്ചുവീണ് യുവാക്കൾക്ക് പരുക്ക്. മേമല മാങ്കാല സ്വദേശികളായ രാകേഷ്, വിനോദ് കുമാർ എന്നിവർക്കാണ് പരുക്കേറ്റത്. കഴിഞ്ഞ ദിവസം രാവിലെ എട്ടോടെ വിതുര– പേപ്പാറ റോഡിൽ മാങ്കാലയ്ക്ക് സമീപം ആയിരുന്നു സംഭവം. കാട്ടുപോത്ത് ബൈക്കിൽ ഇടിച്ച ആഘാതത്തിൽ ഇരുവരും റോഡിൽ തെറിച്ചു വീണു. പരുക്ക് ഗുരുതരമല്ല. ഇരുവരും വിതുര താലൂക്ക് ആശുപത്രിയിൽ ചികിത്സ തേടി. വന്യമൃഗശല്യം രൂക്ഷമായ മേഖലയിലാണ് സംഭവം. നവംബറിലും സമാനമായ സംഭവത്തിൽ ഇരുചക്ര വാഹന യാത്രക്കാരനു പരുക്കേറ്റിരുന്നു.

കുളത്തൂപ്പുഴ പതിനാറേക്കർ സ്വദേശി എൻജിനിയറിങ് വിദ്യാർത്ഥിയുമായ 22 വയസുള്ള നിതിൻ ലോപ്പർ, കുളത്തൂപ്പുഴ നെല്ലിമൂട് സ്വദേശിയും വിദ്യാർതിയുമായ 22 വയസുള്ള ആദിൽ എന്നിവർക്കുമാണ് പരിക്കേറ്റത്. വൈകിട്ട് 6 മണിയോടെ കുളത്തൂപ്പുഴ പട്ടണത്തോട് ചേർന്നുള്ള 16 ഏക്കർ പഞ്ചായത്ത് സ്റ്റേഡിയത്തിൽ കളിച്ചുകൊണ്ട് നിന്നവർക്ക് നേരെയാണ് അപ്രതീക്ഷിതമായി കാട്ടുപോത്ത് പാഞ്ഞെത്തിയത്. നിതിനെ നടുവിനിടിച്ചു തെറിപ്പിച്ചു. കാലിന് ചവിട്ടേറ്റു. ആദിലിന് നേരെ പാഞ്ഞെത്തിയെങ്കിലും ആദിൽ ഒഴിഞ്ഞു മാറുകയായിരുന്നു. നിതിനെയും ആദിലിനെയും അഞ്ചലിലെ സ്വകാര്യ ആശുപത്രിയിൽ എത്തിച്ചു. നട്ടെല്ലിനും കാലിനും ഗുരുതരമായി പരിക്കേറ്റ…