കല്ലറ പാങ്ങോട്

പാങ്ങോട് പൊലീസ് സ്റ്റേഷൻ പരിധിയിലെ മദ്രസ അദ്ധ്യാപകനെയാണ് ഇന്നലെ വൈകിട്ടോടെ പൊലിസ് കസ്റ്റഡിയിലെടുത്തത്. കഴിഞ്ഞ ദിവസം ഉച്ചയ്ക്ക് ക്ലാസുണ്ടെന്ന് പറഞ്ഞ് വിളിച്ചു വരുത്തിയ പെൺകുട്ടിയെ മറ്റാരു സ്ഥലത്തെത്തിച്ച് ശാരീരികമായി ഉപദ്രവിക്കാൻ ശ്രമിച്ചുവെന്നാണ് പരാതി.വീട്ടിലെത്തിയ കുട്ടിയുടെ അസ്വാഭാവിക പെരുമാറ്റം കണ്ട് വിവരം തിരക്കിയപ്പോൾ കുട്ടി അമ്മയോട് വിവരം പറയുകയായിരുന്നു. പോലീസിൽ അറിയിച്ചതിനെത്തുടർന്ന് പാങ്ങോട് പൊലീസെത്തി മുപ്പത് വയസുള്ള അവിവാഹിതനായ ഇയാളെ കസ്റ്റഡിയിൽ എടുത്തു. ഇന്ന് കോടതിയിൽ ഹാജരാക്കും

കല്ലറ-പാലോട് റോഡിൽ ശുചിമുറി മാലിന്യം ഒഴുക്കിഅർധരാത്രിയിൽ റോഡിലെ ഓടയിൽ ശുചിമുറി മാലിന്യം ഒഴുക്കി. കല്ലറ-പാലോട് പ്രധാന റോഡിൽ പുലിപ്പാറയിലാണ് കഴിഞ്ഞ ദിവസം രാത്രി ഒരു മണിയോടെ ശുചിമുറി മാലിന്യം ഒഴുക്കിയത്. ഞായറാഴ്ച രാത്രി ഒരു മണിയോടെ അസഹ്യമായ ദുർഗന്ധം അനുഭവപ്പെട്ടതിനെത്തുടർന്ന് പ്രദേശവാസികൾ ഇറങ്ങിയപ്പോൾ നമ്പർ പ്ലേറ്റില്ലാത്ത വാഹനത്തിൽ കൊണ്ടുവന്ന മാലിന്യം റോഡിലെ ഓടയിൽ ഒഴുക്കുന്നത് ശ്രദ്ധയിൽപ്പെട്ടത്. നാട്ടുകാർ എത്തിയപ്പോൾ വാഹനവുമായി വന്നവർ കടന്നുകളഞ്ഞു. റോഡിലെ ഓടയിൽ ഒഴുക്കിയ മാലിന്യം മരുതമൺ തോട്ടിൽ ഒഴുകിയെത്തി കെട്ടിക്കിടന്നു. നൂറു കണക്കിനു…

പാങ്ങോട്, കല്ലറ പഞ്ചായത്തുകളിലെ വയലുകളിലും തോടുകളിലും കക്കൂസ്മാലിന്യം ഒഴുക്കുന്ന സംഘം സജീവം. മഴ ശക്തമായി തോടുകളിൽ ഒഴുക്കുണ്ടായതോടെയാണ് പ്രദേശത്ത് കക്കൂസ്‌മാലിന്യം ഒഴുക്കാൻ തുടങ്ങിയത്. സംഭവം തുടരുന്നതോടെ ആളുകൾ പകർച്ചവ്യാധി ഭീതിയിലാണ്. മരുതമണിൽനിന്നും പാങ്ങോട് പഴവിളയിലേക്ക് പോകുന്ന തോടിനോടുചേർന്നുള്ള വയലിൽ കഴിഞ്ഞ ദിവസം രാത്രി ടാങ്കർ ലോറിയിൽ കൊണ്ടുവന്ന കക്കൂസ്‌മാലിന്യം ഒഴുക്കി. പുലർച്ചെ അസഹ്യമായ ദുർഗന്ധമുണ്ടായതോടെയാണ് നാട്ടുകാർ വിവരം അറിഞ്ഞത്. തൊട്ടടുത്ത ദിവസം വയലിലെ പുല്ലുൾപ്പെടെ സകല ചെടികളും കരിഞ്ഞ് അഴുകാൻ തുടങ്ങി. വീര്യംകൂടിയ രാസപദാർഥം കലർത്തിയാണ് കക്കൂസ്മാലിന്യം…

പാങ്ങോട് പഞ്ചായത്തിന്റെ പരിധിയിലുള്ള ഈ ഭാഗങ്ങളിൽ ആണ് പേപ്പട്ടിയെ നേരിട്ട് കണ്ടതായി നാട്ടുകാർ പറയുന്നത് രണ്ടാഴ്ചക്കുള്ളിൽ പേപ്പട്ടിയുടെ കടിയേറ്റവരുടെ എണ്ണം നിരവധിയാണ്. സ്കൂൾ കുട്ടികൾ ഉൾപ്പെടെ ധാരാളം ജനങ്ങൾ ഇത് വഴിയാണ് കടന്നുപോകുന്നത്. പലതവണ തെരുവ് നായ്ക്കളുടെ ശല്യം പഞ്ചായത്തിൽ റിപ്പോർട്ട് ചെയ്തിട്ടും നടപടികൾ ഒന്നും എടുത്തിട്ടില്ല എന്ന വസ്തുത എടുത്തു പറയേണ്ടിയിരിക്കുന്നു. ഇന്ന് ഉച്ചക്കും ഈ പ്രദേശത്തിന്റെ വിവിധ ഭാഗങ്ങളിൽ പേപ്പട്ടിയെ കണ്ടവർ ഉണ്ട്. എത്രയും പെട്ടെന്ന് ഇതിനൊരു പരിഹാരം വേണം എന്നാണ് നാട്ടുകാരുടെ ആവശ്യം

പാങ്ങോട് വീടിന് തീയിട്ട ശേഷം ഗൃഹനാഥൻ ആത്മഹത്യ ചെയ്തു.കൊച്ചാലുമൂട് സ്വദേശി നിസാറുദീനാണ് മരിച്ചത്. ഭാര്യയുമായി പിണങ്ങി കഴിയുകയായിരുന്നു. 50 വയസായിരുന്നു. വീടിന് തീ വച്ച ശേഷം ഗൃഹനാഥൻ സമീപത്തെ റബ്ബർ പുരയിടത്തിൽ തൂങ്ങി മരിക്കുകയായിരുന്നു. കുടുംബ പ്രശ്നമാണ് ആത്മഹത്യയിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം. പാങ്ങോട് പൊലീസ് സ്ഥലത്തെത്തി പരിശോധന തുടങ്ങി.

വാടകവീട്ടിൽ വിൽപ്പനയ്ക്കായി ശേഖരിച്ചിരുന്ന നിരോധിത പുകയില ഉൽപ്പന്നങ്ങൾ പാങ്ങോട് പോലീസും വാമനപുരം എക്സൈസ് സംഘവും ചേർന്ന് പിടികൂടി. കേരളംകണ്ട ഏറ്റവും വലിയ ലഹരി വേട്ടയിൽ ഒന്നാണ് കല്ലറ പാങ്ങോട് നിന്നും പിടികൂടിയത് കല്ലറ മൈലോട്ടു കോണത്ത് ഒരു വീട്ടിൽ ശേഖരിച്ചിരുന്ന 500 കിലോയോളം വരുന്ന നിരോധിത പുകയില ഉൽപ്പന്നങ്ങളാണ് പിടികൂടിയത് . നാട്ടുകാർ നൽകിയ പരാതിയെ തുടർന്ന് നടത്തിയ അന്വേഷണത്തിലാണ് വൻതോതിൽ പുകയില ഉൽപ്പന്നങ്ങൾ പിടികൂടിയത്. പരസ്യങ്ങൾ നൽകാൻ ബന്ധപ്പെടുക 📞 whatsapp 8714454181