സ്വാസ്തിക ഫൗണ്ടേഷൻ ൻ്റെ വാർഷിക ആഘോഷ പരിപാടികളുടെ ഭാഗമായി സ്വാസ്തികയിലെ സിവിൽ സർവീസ് ഫൗണ്ടേഷൻ കോഴ്സിലെ വിദ്യാർത്ഥികളുടെ നേതൃത്വത്തിൽ കടയ്ക്കൽ ബസ്റ്റാൻഡിൽ ഫ്ലാഷ് മോബ് സംഘടിപ്പിച്ചു.
വിദ്യാർഥികളുടെ നേതൃത്വത്തിൽ ഡാൻസ് പ്രോഗ്രാം, കവിത പാരായണം, ക്വിസ് മത്സരം സംഘടിപ്പിച്ചു സ്വാസ്തിക ഫൗണ്ടേഷൻ ചെയർമാൻ അഡ്വ.സെബി എസ് രാജ്, അഡ്വ.സ്മിത, ചേതൻ ആർ, അഡ്വ.പ്രേം ഹരിദാസ്, അഡ്വ. അനൂപ് എസ് .നായർ, അഡ്വ.ധന്യ രജിത്ത്, അഡ്വ.നജ്മ , അഡ്വ.നിതിൻ പ്രസാദ്, അഡ്വ.വിഷ്ണു എന്നിവർ പങ്കെടുത്തു.
2018 മുതൽ പ്രവർത്തനമാരംഭിച്ച സ്വാസ്തിക സ്ത്രീകൾ, കുട്ടികൾ, മാനസിക-ശാരീരിക വെല്ലുവിളികൾ നേരിടുന്ന വ്യക്തികൾ, വയോധികർ, സാമ്പത്തികവും സാമൂഹികവുമായി പിന്നോക്കം നിൽക്കുന്നവർ എന്നിവരുടെ ഉന്നമനത്തിനും ശാക്തീകരണത്തിനുമായി പ്രവർത്തിച്ചുവരുന്ന സന്നദ്ധ സംഘടനനയാണ്.
