പന്നിഫാം ഉടമയെ ക്രൂരമായി മർദ്ദിച്ച കേസിലെ പ്രതികൾ അറസ്റ്റിൽ . മടവൂർ വില്ലേജിൽ പനപ്പാംകുന്ന് ചരുവിള വീട്ടിൽ ഗണപതി എന്ന് വിളിക്കുന്ന ബിനു ( 36),കിളിമാനൂർ പനപ്പാംകുന്ന് തൊടിയിൽ വീട്ടിൽ വിശ്വം എന്ന് വിളിക്കുന്ന ലിനിൻ കുമാർ (36 ), പനപ്പാംകുന്ന് തൊ ടിയിൽവീട്ടിൽ കുട്ടത്തി എന്ന് വിളിക്കുന്ന അനിൽകുമാർ ( 30 ) എന്നിവരെയാണ് കിളിമാനൂർ പൊലീസ് അറസ്റ്റ് ചെയ്തത്. കിളിമാനൂർ പനപ്പാംകുന്നിൽ ഉള്ള പന്നി ഫാം ഉടമയായ പാരിപ്പള്ളി റോസ് ലാൻഡിൽ ബൈജു ( 51 ) വിനെ ക്രൂരമായി മർദ്ദിച്ച് അവശനാക്കിയ കേസിലാണ് അറസ്റ്റ് .
ഞായറാഴ്ച വൈകിട്ടാണ് സംഭവം. ബൈജു പനപ്പാംകുന്നിൽ നടത്തിവന്നിരുന്ന പന്നിഫാമിൽ വേസ്റ്റ് കൊണ്ടുവരുന്നു എന്ന് ആരോപിച്ച് മുമ്പും പ്രശ്നങ്ങൾ ഉണ്ടാക്കിയിരുന്ന പ്രതികൾ സംഘടിച്ച് എത്തി ഉടമയായ ബൈജുവിന് ആക്രമിക്കുകയായിരുന്നുവെന്ന് പോലീസ് പറഞ്ഞു .
സംഭവത്തിന് ശേഷം ഒളിവിലായിരുന്ന പ്രതികളെ കിളിമാനൂർ സി.ഐ ബി. ജയൻ , എസ്. ഐ മാരായ വിജിത്ത് കെ നായർ , രാജീ കൃഷ്ണ , എസ്. സി.പി. ഒ ഷിജു ,സി.പി.ഒ മാരായ കിരൺ ,ശ്രീരാജ് എന്നിവരടങ്ങുന്ന സംഘമാണ് പിടികൂടിയത്.
