ചിതറ: മടത്തറയിൽ പത്ത് വയസുക്കാരിയായ ദളിത് പെൺകുട്ടിയെ പീഡിപ്പിക്കാൻ ശ്രമിച്ച 69 കാരൻ ചിതറ പോലീസിന്റെ പിടിയിൽ. മടത്തറ സ്വദേശിയായ ഗോപാല കൃഷ്ണൻ നായരാണ് പിടിയിലായത്.
കഴിഞ്ഞ ദിവസം ഇയാളുടെ കടയിലേക്ക് സാധനം മേടിക്കാൻ എത്തിയ പത്തുവയസുകാരിയെ കടക്കുളിലേക്ക് വിളിച്ചു കയറ്റുകയും ലൈംഗീകമായി ഉപദ്രവിക്കുകയുമായിരുന്നു .
ഉപദ്രവം സഹിക്കാനാകാതെ കുട്ടി ഭയന്ന് വീട്ടിലേക്ക് ഓടുകയും തുടർന്ന് മാതാപിതാക്കളോട് വിവരമറിയിക്കുകയും ചെയ്തു. കുട്ടിയുടെ മാതാപിതാക്കൾ ഉടൻ തന്നെ ചിതറ പോലീസിൽ പരാതി നൽകി.
കൊട്ടാരക്കര DYSP ജി.ഡി വിജയകുമാറിന്റെ നിർദേശം അനുസരിച്ച് ചിതറ പോലിസ് നടത്തിയ അന്വേഷണത്തിൽ ഗോപാല കൃഷ്ണൻ നായരെ മടത്തറയിൽ നിന്ന് ചിതറ പോലിസ് പിടികൂടി , കുട്ടിയുടെ മൊഴി രേഖപെടുത്തി പ്രതിയെ അറസ്റ്റ് ചെയ്യുകയും കോടതിയിൽ ഹാജരാക്കുകയും തുടർന്ന് കോടതി പ്രതിയെ റിമാന്റ് ചെയ്തു.
