ഇട്ടിവ: സിപിഐ ഇട്ടിവാ ലോക്കൽ കമ്മറ്റിയുടെ നേതൃത്വത്തിൽ ആദ്യകാല കമ്മ്യൂണിസ്റ്റ് പ്രവർത്തകനായ സ. കെ. ശിവശങ്കരപ്പിള്ള അഞ്ചാം ചരമ വാർഷിക ദിനത്തിൽ അനുസ്മരണം സംഘടിപ്പിച്ചു.
രാവിലെ 8:30 ന് പുഷ്പാർച്ചന നടത്തുകയും തുടർന്ന് സി. കെ. ചന്ദ്രപ്പൻ സ്മാരക ഹാളിൽവെച്ചു അനുസ്മരണം നടന്നു. CPI മണ്ഡലം സെക്രട്ടറിയേറ്റ് അംഗം സ. എ. നൗഷാദിന്റെ അധ്യക്ഷതയിൽ ചേർന്ന യോഗത്തിന്
CPI ജില്ലാ അസ്സി. സെക്രട്ടറി സ. അഡ്വ. സാം. കെ. ഡാനിയേൽ ഉദ്ഘാടനം ചെയ്തു.
CPI ഇട്ടിവാ ലോക്കൽ സെക്രട്ടറി സ.ഓമനക്കുട്ടൻ സ്വാഗതം ആശംസിച്ചു.
തുടർന്ന് സിപിഐ സംസ്ഥാന കൗൺസിൽ അംഗം സ. ആർ. ലതാദേവി, CPI ജില്ലാ കമ്മറ്റി അംഗം സ. ജെ. സി. അനിൽ, CPI മണ്ഡലം കമ്മിറ്റി അംഗം സ. ബി. രാജീവ്, CPI ഇട്ടിവാ ലോക്കൽ കമ്മിറ്റി അസ്സി. സെക്രട്ടറി സ. നിസാം തുടങ്ങിയവർ സംസാരിച്ചു.
പാർട്ടി LC അംഗങ്ങൾ, ബ്രാഞ്ചു സെക്രട്ടറിമാർ,AIYF ഭാരവാഹികൾ,ശിവശങ്കരപിള്ളയുടെ കുടുംബാങ്ങങ്ങൾ തുടങ്ങിയവർ പങ്കെടുത്തു.
1956-ൽ കമ്മ്യൂണിസ്റ്റ് പാർടി അംഗമായ സ. ശിവശങ്കരപ്പിള്ള 1957 ൽ കോട്ടുക്കൽ ലോക്കൽ സെക്രട്ടറി,1982 മുതൽ 1995 വരെ പാർട്ടി കോട്ടുക്കൽ എൽ സി സെക്രട്ടറി, 1995 മുതൽ ചടയമംഗലം മണ്ഡലം കമ്മിറ്റി അംഗമായി 2003 വരെ പ്രവർത്തിച്ചു. 2003 മുതൽ മരണം വരെ ഇട്ടിവാ ലോക്കൽ കമ്മിറ്റി അംഗമായി പ്രവർത്തിച്ചു. വയലായ എൻ.വി.യു.പി.എസിലെ അധ്യാപകനായിരുന്നു. സത്യസന്ധതയും സുതാര്യതയും ആത്മാർത്ഥയും പാർടി പ്രവർത്തനത്തിൽ ഉയർത്തിപ്പിടിച്ച് മറ്റുള്ളവർക്ക് മാതൃകയായ പൊതു പ്രവർത്തകനായിരുന്നു.
കോട്ടുക്കൽ ക്ഷീരോല്പാദക സഹകരണ സംഘം സ്ഥാപിക്കുകയും സംഘത്തിൻ്റെ പ്രസിഡൻ്റായി ദീർഘകാലം പ്രവർത്തിക്കുകയും ചെയ്തു.
