കല്ലമ്പലത്ത് നിന്ന് മോഷ്ടിച്ച കാറുമായി പുനലൂരില്‍ അപകടം സൃഷ്ടിച്ച യുവാവ് അറസ്റ്റില്‍. കുന്നിക്കോട് പോലീസ് കസ്റ്റഡിയിലെടുത്ത തിരുവനന്തപുരം വിതുര തെന്നൂര്‍ പ്രബിൻഭവില്‍ പ്രബിനെ കല്ലമ്ബലം പോലീസിന് കൈമാറി.
ഓട്ടേറെ വാഹന മോഷണ കേസുകളില്‍ പ്രതിയാണ് ഇയാള്‍.
കാര്‍ പുനലൂരില്‍ ആറ് വാഹനങ്ങളില്‍ ഇടിച്ച്‌ കേടുപാടുകള്‍ വരുത്തിയിരുന്നു. എന്നാല്‍ പരാതിക്കാര്‍ എത്താതിനാലാണ് കേസ് എടുക്കാതിരുന്നത് പോലീസ് പറയുന്നു. പോലീസ് ജീപ്പില്‍ കാര്‍ ഇടിപ്പിച്ച്‌ കേടുപാട് വരുത്തിയ സംഭവത്തില്‍ കേസ് എടുക്കുമെന്നും അധികൃതര്‍ വ്യക്തമാക്കി.
കല്ലമ്ബലം നാവായിക്കുളത്തെ വര്‍ക്ക്‌ഷോപ്പില്‍ നിന്ന് കഴിഞ്ഞ 12-ന് ആണ് കാര്‍ മോഷണം പോകുന്നത്. ശനിയാഴ്ച കാര്‍ പുനലൂര്‍ ഭാഗത്തേക്ക് എത്തുന്നുണ്ടെന്ന് ലഭിച്ച വിവരത്തെ തുടര്‍ന്ന് പോലീസ് പിന്തുടരുകയായിരുന്നു. പിടിയിലാകാതിരിക്കുന്നതിന്
വേണ്ടിയുള്ള ശ്രമത്തിനിടെയാണ് കാര്‍
ജീപ്പിലും ഒട്ടേറെ വാഹനങ്ങളിലുമായി ഇടിച്ചത്. പ്രദേശവാസികളുടെ നേതൃത്വത്തില്‍ നടത്തിയ തിരച്ചിലില്‍ പ്രതിയെ പിടികൂടുകയായിരുന്നു.
