പ്ലസ് ടു സർട്ടിഫിക്കറ്റ് വിതരണം ഇന്നു മുതൽ: സ്കൂളുകളിൽ നേരിട്ടെത്തണം

തിരുവനന്തപുരം  : പ്ലസ് ടു പരീക്ഷാ സർട്ടിഫിക്കറ്റ് ഇന്നു മുതൽ വിതരണം ചെയ്യും. ഓരോ ജില്ലയിലെയും കേന്ദ്രീകൃത വിതരണ കേന്ദ്രത്തിൽ നിന്നു അതത് സ്കൂൾ പ്രിൻസിപ്പൽമാർ സർട്ടിഫിക്കറ്റുകൾ കൈപ്പറ്റി സ്കൂളുകളിൽ എത്തിക്കണം. അതാത് സ്കൂളുകളുമായി ബന്ധപ്പെട്ടു വിദ്യാർഥികൾ നേരിട്ടെത്തി കൈപ്പറ്റണം.
പ്ലസ് ടു ഫലം പ്രഖ്യാപിച്ച് ഒരു മാസം പിന്നിട്ട ശേഷമാണ് സർട്ടിഫിക്കറ്റ് വിതരണം. മെയ്‌ 25നാണ് പ്ലസ് ടു പരീക്ഷാ ഫലം വന്നത്. ഒറിജിനൽ സർട്ടിഫിക്കറ്റ് ഇല്ലാത്തതിനാൽ വിദേശ സർവകലാശാലകളിലും മറ്റും ഉപരിപഠനത്തിന് അപേക്ഷ നൽകിയവർ പ്രവേശനം നേടാൻ കഴിയാത്ത അവസ്ഥയിലായിരുന്നു. നടപടികൾ വേഗത്തിലാക്കി ഇന്നു മുതൽ സർട്ടിഫിക്കറ്റ് വിതരണം ആരംഭിക്കും.