കാറും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവ് മരിച്ചു.
പെരിങ്ങമ്മല ഇടവം കാട്ടില കുഴി സ്വദേശി ആസിഫാണ് (22) മരിച്ചത്.
ഇന്ന് രാവിലെ 8 മണിയോടെ പാലോട് പാപ്പനംകോട് പള്ളിക്ക് സമീപം വച്ചായിരുന്നു അപകടം.
പെരിങ്ങമലയിൽ നിന്നും പാലോട് ഭാഗത്ത് വരുകയായിരുന്ന ബൈക്ക് അതേ ദിശയിൽ വരുകയായിരുന്ന കാറുമായി കൂട്ടിയിടിക്കുകയായിരുന്നു.
ഇടിയുടെ ആഘാതത്തിൽ റോഡിലേക്ക് തെറിച്ച് വീണ യുവാവ് സംഭവ സ്ഥലത്ത് വച്ച് തന്നെ മരിച്ചു. തലക്കും കഴുത്തിനുമേറ്റ ഗുരുതര പരിക്കാണ് മരണ കാരണം.
മൃതദേഹം മെഡിക്കൽ കോളേജ് ആശു പത്രിയിലേയ്ക്ക് മാറ്റി.
കന്യാകുളങ്ങരയിലെ ഒരു സ്ഥാപനത്തത്തിലെ ജീവനക്കാരനായിരുന്ന ആസിഫ് ജോലി സ്ഥലത്തേക്ക് വരുന്നതിനിടെയാണ് അപകടം.
പാലോട് പോലീസ് കേസെടുത്തു.
