61-ാമത് പാലോട് മേളയും ദേശീയ മഹോത്സവമായ കന്നുകാലിച്ചന്തയും കാർഷിക കലാ സാംസ്കാരിക മേളയും വിനോദസഞ്ചാര വാരാഘോഷവും 2024 ഫെബ്രുവരി 7 മുതൽ 16 വരെ നടക്കും. വ്യത്യസ്‌തവും ജനങ്ങളെ ആകർഷിക്കുന്നതും ആഹ്ലാദിപ്പിക്കുന്നതുമായ സംവിധാനങ്ങൾകൊണ്ട് മേള ഇത്തവണയും മികച്ചതക്കുവാൻ സംഘാടക സമിതി ശ്രമിച്ചിട്ടുണ്ട്.
വിജ്ഞാനപ്രദമായ സെമിനാറുകൾ, മന്ത്രിമാരും മറ്റു സാമൂഹ്യ, സാംസ്കാരിക, കലാ രംഗങ്ങളിലെ പ്രമുഖർ പങ്കെടുക്കുന്ന സമ്മേളനങ്ങൾ, വിവിധങ്ങളായ കലാ പരിപാടികൾ, കുട്ടികൾക്കായുള്ള ചിത്രചനാ മത്സരങ്ങൾ, സംസ്ഥാനതല കബഡി, വോളിബോൾ ടൂർണമെന്റുകൾ, പുഷ്‌പ, ഫലസസ്യ പ്രദർശനവും വിൽപനയും, നൂറിലധികം പ്രദർശന, വിപണന സ്റ്റാളുകൾ, അമ്യൂസ്മെന്റ് പാർക്ക്, കന്നുകാലിച്ചന്ത, ഫുഡ് ഫെസ്റ്റ് എന്നിവ മേളയോടനുബന്ധിച്ച് സംഘടിപ്പിക്കുന്നുണ്ട്. ഫെബ്രുവരി 7ന് രാവിലെ 9ന് മേള ഉദ്ഘാടനം സംസ്ഥാന ലൈബ്രറി കൗൺസിൽ സെക്രട്ടറി വി.കെ.മധു നിർവഹിക്കും.
