നിരവധി മോഷണ കേസിലെ പ്രതിയെ പാലോട് പോലീസ് പിടികൂടി. പാങ്ങോട് ഉളിയൻകോട് മൂന്ന് സെന്‍റ് കോളനിയില്‍ ബാഹുലേയൻ (65 )ആണ് അറസ്റ്റിലായത്.
കള്ളിപ്പാറ ആയിരവല്ലി ക്ഷേത്രത്തിലെ കാണിക്കവഞ്ചി കുത്തിത്തുറന്ന് മോഷ്ടിച്ച പണവുമായി തെങ്കാശി ബസില്‍ രക്ഷപ്പെടാൻ ശ്രമിക്കവെയാണ് പിടിയിലായത്. നിരവധി അമ്ബലങ്ങളിലെ കാണിക്കവഞ്ചി കുത്തിത്തുറന്ന് പണം കവര്‍ന്ന കേസിലെ പ്രതിയാണ് ഇയാളെന്ന് പോലീസ് പറയുന്നു.
നെടുമങ്ങാട് ഡിവൈഎസ്പി ബൈജുകുമാറിന്‍റെ നിര്‍ദേശാനുസരണം പാലോട് ഇൻസ്പെക്ടര്‍ പി.ഷാജിമോൻ , എ .നിസാറുദീൻ, എ .റഹിം, ഷിബു , അരുണ്‍ , സുജിത്ത് എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
