തിരുവനന്തപുരം തെങ്കാശി റോഡിലെ കുളത്തുപ്പുഴ കണ്ടഞ്ചിറ വളവിൽ ടോറസ് ലോറിയും, ഓട്ടോ പിക് അപ്പ് ഉം കൂട്ടിയിടിച്ചു യുവാവിന് പരിക്ക്.
മീൻ വില്പന നടത്തുന്ന മൈലമൂട് സ്വദേശി തടത്തരികത്ത് വീട്ടിൽ ഷാജഹാന് ആണ് പരിക്ക് പറ്റിയത്.
കഴിഞ്ഞ ദിവസം ഉച്ചയോടെ മീൻ വില്പന കഴിഞ്ഞു വീട്ടിലേക്ക് വരികയായിരുന്ന ഷാജഹാൻ ഓടിച്ച പിക് അപ്പ് ഓട്ടോ യും, തമിഴ്നാട്ടിൽ സിമെന്റ് എടുക്കുവാൻ പോയ ടോറസ് ലോറിയും ആണ് കൂട്ടിയിടിച്ചത്.
വലിയ വാഹനങ്ങൾക്കു ശെരിയായ രീതിയിൽ വളവുകളിൽ തിരിയാൻ ബുദ്ധിമുട്ട് ഉള്ളത് കൊണ്ടു പലപ്പോഴും ഈ റോഡിൽ അപകടം സംഭവിക്കാറുണ്ട്, കഴിഞ്ഞ മാസം ഈ ഭാഗത്ത് ടോറസ് ലോറി താഴ്ചയിലേക്ക് മറിഞ്ഞിരുന്നു.
ടോറസ് ലോറിയുടെ മധ്യഭാഗത്തെ ടയറിൽ ആണ് ഓട്ടോ ഇടിച്ചത്.ലോറിയുടെ ടയർ പൊട്ടുകയും, ഓട്ടോ പൂർണമായും തകർന്ന് പോകുകയും ചെയ്തു. കുളത്തുപ്പുഴ പോലീസ് കേസ് എടുത്തിട്ടുണ്ട്.
ടോറസ് ലോറി മടത്തറയിൽ നിന്നും കുളത്തുപ്പുഴ ഭാഗത്തേക്കും, ഓട്ടോ കുളത്തുപ്പുഴ നിന്നും മടത്തറയിലേക്ക് വരികയായിരുന്നു.
ഈ വളവുകളിൽ റോഡിനു വീതി വളരെ കുറവ് ആണ്.
