കടയ്ക്കൽ :കേരള മഹിളാസംഘം കടയ്ക്കൽ മണ്ഡലം സമ്മേളനം കോട്ടുക്കൽ ഡോ. വന്ദന ദാസ് നഗറിൽ ചേർന്നു.സമ്മേളനം സിപിഐ സംസ്ഥാന കൗൺസിൽ അംഗം ഹണി ബെഞ്ചമിൻ ഉദ്ഘാടനം ചെയ്തു. മഹിളാ സംഘം മണ്ഡലം പ്രസിഡന്റ് ഡി ലില്ലി, മണ്ഡലം കമ്മിറ്റി അംഗങ്ങളായ പ്രിയ കുമാരി, ഉമൈബ സലാം എന്നിവരടങ്ങിയ പ്രിസീഡിയം സമ്മേളന നടപടികൾ നിയന്ത്രിച്ചു.
തൊഴിലുറപ്പ് തൊഴിലാളികളുടെ വേദനം 600 രൂപയായി വർധിപ്പിക്കുക,വർദ്ധിച്ചു വരുന്ന തെരുവ് നായ ശല്യം പരിഹരിക്കുന്നതിന് അടിയന്തര നടപടി സ്വീകരിക്കുക, അംഗൻവാടി, ആശ വർക്കർമാരുടെ വേദനം വർധിപ്പിക്കുക തുടങ്ങിയ ആവശ്യങ്ങളും സമ്മേളനത്തിൽ പ്രമേയത്തിലൂടെ ആവശ്യപ്പെട്ടു. മഹിളാ സംഘം സംസ്ഥാന പ്രസിഡന്റ് ജെ ചിഞ്ചുറാണി, സി പി ഐ ജില്ലാ അസിസ്റ്റന്റ് സെക്രട്ടറി സാം കെ ഡാനിയേൽ, ജില്ലാ എക്സിക്യൂട്ടീവ് അംഗം എസ് ബുഹാരി, മണ്ഡലം സെക്രട്ടറി ജെ സി അനിൽ, അസിസ്റ്റന്റ് സെക്രട്ടറി പി പ്രതാപൻ, സെക്രട്ടറിയേറ്റ് അംഗങ്ങളായ എ നൗഷാദ്, വി ബാബു, കെ കൃഷ്ണപിള്ള, ലോക്കൽ കമ്മിറ്റി സെക്രട്ടറി കെ ഓമനക്കുട്ടൻ, എ ജമീല ബീവി തുടങ്ങിയവർ സംസാരിച്ചു. ഭാരവാഹികൾ : എസ്. അസീന (പ്രസിഡന്റ്), എം. ആർ. രജിത, എം. പ്രിയകുമാരി (വൈസ്. പ്രസിഡന്റ്) പി. രാജിതകുമാരി (സെക്രട്ടറി), റ്റി ശോഭന, കെ എം മാധുരി (ജോ. സെക്രട്ടറി)
