കടയ്ക്കൽ മുള്ളിക്കാട് കൊല്ലായിൽ റൂട്ടിൽ സ്വകാര്യ ബസ് സർവീസ് മുടങ്ങുന്നതായി പരാതി

കടയ്ക്കൽ മുള്ളിക്കാട് കൊല്ലായിൽ റൂട്ടിൽ സ്വകാര്യ ബസ് സർവീസ് മുടങ്ങുന്നതായി പരാതി. ഈ റൂട്ടിലുള്ള ഏക ബസാണ് പതിവായി സർവീസ് മുടക്കുന്നത്. നിലമേലിൽ നിന്നു കടയ്ക്കൽ-ചിതറ-മുള്ളിക്കാട്-സത്യമംഗലം -കൊല്ലായിൽ വഴി മടത്തറയിലേക്കുള്ള ബസാണിത്.

രാവിലെയും രാത്രിയിലുമുള്ള ട്രിപ്പ് മുടക്കുന്നത് പതിവാണ്.

വിദ്യാർഥികൾ ഉൾപ്പെടെ ഇതുമൂലം ഓട്ടോറിക്ഷയടക്കമുള്ളവാഹനങ്ങളെ ആശ്രയിക്കേണ്ട സ്ഥിതിയാണ്.

മടത്തറ, ചിതറ മേഖലകളിൽ നിന്നു രാത്രി കടയ്ക്കൽ, നിലമേൽ എന്നിവിടങ്ങളിലേക്ക് പോകാനുള്ള അവസാന ബസാണിത് .രാത്രി സർവ്വീസ് മുടക്കുന്നത് കാരണം   എം.സി.റോഡിലെത്തി മറ്റിടങ്ങളിലേക്കു പോകാനുള്ളവരും  വലയുകയാണ്  . ബസ് കൃത്യമായി  സർവീസ് നടത്താൻ നടപടിയെടുക്കണമെന്നാവശ്യപ്പെട്ട് നാട്ടുകാർ മോട്ടോർ വാഹനവകുപ്പിനും പോലീസിനും പരാതി നൽകിയിട്ടുണ്ട്

മുള്ളിക്കാട്-കൊല്ലായിൽ വഴി കെ.എസ്.ആർ.ടി.സി. ഉൾപ്പെടെ കൂടുതൽ ബസ് സർവീസ് അനുവദിക്കണമെന്ന ആവശ്യവും ശക്തമായി.