കടയ്ക്കൽ ഫാർമർ പ്രൊഡ്യൂസർ കമ്പനിയുടെ നേതൃത്വത്തിൽ മണലുവട്ടം അരത്തകണ്ഠപ്പൻ ക്ഷേത്രം ഏലായിൽ നടത്തിയ നെൽകൃഷിക്ക് നൂറുമേനി വിളവ്. വിളവെടുപ്പുത്സവം സംസ്ഥാന മൃഗസംരക്ഷണ ക്ഷീര വികസന വകുപ്പ് മന്ത്രി ജെ.ചിഞ്ചുറാണി ഉദ്ഘാടനം ചെയ്തു. കർഷകരുടെ ഉൽപ്പന്നങ്ങൾക്ക് മികച്ച വില ഉറപ്പാക്കാൻ കർഷക ഉത്പാദക കമ്പനികൾക്ക് സാധിക്കുമെന്ന് മന്ത്രി അഭിപ്രായപ്പെട്ടു. നബാർഡിൻ്റെ സഹായത്തോടുകൂടി ചടയമംഗലം ബ്ലോക്കടിസ്ഥാനത്തിൽ പ്രവർത്തിക്കുന്ന കടയ്ക്കൽ ഫാർമർ പ്രൊഡ്യൂസർ കമ്പനിയുടെ ‘നിറകതിർ തരിശ് രഹിത നെൽകൃഷി’ പദ്ധതിയുടെ ഭാഗമായാണ് അരത്തകണ്ഠപ്പൻ ക്ഷേത്രം ഏലായിലെ മൂന്നേക്കർ നിലത്തിൽ നെൽകൃഷി നടത്തിയത്.
കർഷകരുടെ ഉത്പന്നങ്ങൾക്ക് ന്യായമായ വില ലഭിച്ചാൽ കേരളത്തിൻ്റെ കാർഷികോൽപാദനവും, തൊഴിലവസരവും വർദ്ധിക്കുമെന്ന് മന്ത്രി പറഞ്ഞു. വരും വർഷങ്ങളിൽ 10 ഏക്കറിലേക്ക് കൃഷി വ്യാപിപ്പിക്കുമെന്ന് കമ്പനി ചെയർമാൻ ജെ.സി.അനിൽ പറഞ്ഞു. ചടയമംഗലം ബ്ലോക്ക് പഞ്ചായത്ത് പ്രസിഡൻ്റ് ലതികാ വിദ്യാധരൻ അധ്യക്ഷത വഹിച്ചു. ഇട്ടിവ ഗ്രാമപഞ്ചായത്ത് പ്രസിഡൻ്റ് സി.അമൃത, കുമ്മിൾ ഗ്രാമപഞ്ചായത്ത് പ്രസിഡൻ്റ് കെ.കൃഷ്ണപിള്ള, കൊട്ടാരക്കര സഹകരണ കാർഷിക വികസന ബാങ്ക് പ്രസിഡൻ്റ് കൊല്ലായിൽ സുരേഷ്, കേരള റൂറൽ ഡെവലപ്മെൻ്റ് അസോസിയേഷൻ ചെയർമാൻ ഡോ.നടയ്ക്കൽ ശശി, ഇട്ടിവ ഗ്രാമ പഞ്ചായത്ത് വൈസ് പ്രസിഡൻ്റ് ബി.ഗിരിജമ്മ, ജില്ലാ ലൈബ്രറി കൗൺസിൽ ജോയിൻ്റ് സെക്രട്ടറി പ്രൊഫസർ ബി.ശിവദാസൻ പിള്ള, മുൻ കുമ്മിൾ ഗ്രാമ പഞ്ചായത്ത് പ്രസിഡൻ്റ് കെ.മധു, ക്ഷേത്രം സെക്രട്ടറി എസ്.ആർ.ബിനോജ്, ഡി.സനൽകുമാർ, വി.മുരളീധരൻ പിള്ള, ഡയറക്ടർ ബോർഡ് അംഗങ്ങളായ എസ്.ജയപ്രകാശ്, എസ്. വിജയകുമാരൻ നായർ, കെ.ഓമനക്കുട്ടൻ, മനോജ് കുഞ്ഞപ്പൻ, റജീന സിദ്ദീഖ്, തുടങ്ങിയവർ പങ്കെടുത്തു. കമ്പനി ചെയർമാൻ ജെ.സി.അനിൽ സ്വാഗതവും കമ്പനി ഡയറക്ടർ ബോർഡ് അംഗം സി.പി.ജസിൻ നന്ദിയും പറഞ്ഞു.
