പാലക്കാട് അഗളി പോലീസ് കോഴിക്കോട്ടുവെച്ചാണ് വിദ്യയെ പിടികൂടിയത്. പാലക്കാട്ടേക്ക് വിദ്യയെ കൊണ്ടുപോകും.
മേപ്പയൂർ, വടകര മേഖലകളിൽ വിദ്യയെ തേടിയെത്തിയെങ്കിലും ഇതുവരെ പിടികിട്ടാതെ രക്ഷപ്പെടുകയായിരുന്നു. ഇന്ന് പാലക്കാട് അഗളി പോലീസ് വിദ്യയെ കസ്റ്റഡിയിലെടുത്തിട്ടുണ്ട്. പാലക്കാട് എത്തിച്ച ശേഷം കോടതിയിൽ ഹാജരാക്കാനാണ് തീരുമാനം. വിദ്യയെ നാളെ രാവിലെ 11 മണിയോടെ പാലക്കാട് മണ്ണാർക്കാട് കോടതിയിൽ ഹാജരാക്കണം.
പാലക്കാട് അഗളി പോലീസും കാസർഗോട് നീലേശ്വരം പോലീസും രജിസ്റ്റർ ചെയ്ത കേസുകളിൽ വിദ്യയുടെ മുൻകൂർ ജാമ്യാപേക്ഷ കോടതി തള്ളിയതിനെ തുടർന്നാണ് പോലീസ് അറസ്റ്റ് ചെയ്തത്. മേപ്പയൂരിലെ ഒരു സുഹൃത്തിന്റെ വീട്ടിൽ നിന്നും തിരികെ പോകുന്ന വഴിക്കാണ് പോലീസ് കസ്റ്റഡിയിലെടുത്തത്.
കള്ളക്കേസിൽ പ്രതിയായ കെ വിദ്യ സമർപ്പിച്ച മുൻകൂർ ജാമ്യാപേക്ഷയിലെ വാദം കേൾക്കുന്നത് ഹൈക്കോടതി അടുത്തയാഴ്ചത്തേക്ക് മാറ്റി. ജസ്റ്റിസ് ബച്ചു കുര്യൻ തോമസിന്റെ ബെഞ്ചിലാണ് ഇന്നലെ കേസ് പരിഗണിച്ചത്.
