വർക്കല ദീപു വധക്കേസിലെ ഒന്നാം പ്രതിയായ കാറാത്തല അജിവിലാസത്തിൽ തങ്കുടു എന്ന അജിത്തിനെയാണ് ഈ കേസിലെ രണ്ടാം പ്രതിയായ സഹോദരൻ അജീഷ് തലയ്ക്ക് അടിച്ചു കൊലപ്പെടുത്തിയത്…….
കഴിഞ്ഞ ദിവസം രാത്രി 9 30 ഓടുകൂടിയാണ് കൊലപാതകം നടന്നത്…..
ദീപു വധക്കേസിൻ്റെ വിചാരണ അന്തിമഘട്ടത്തിൽ നിൽക്കെ ഈ കേസിൽ ശിക്ഷ ലഭിക്കുമെന്ന് ഉറപ്പായ സഹോദരങ്ങൾ തമ്മിൽ നിരന്തരം വാക്ക് തർക്കത്തിൽ ഏർപ്പെട്ടിരുന്നു…..
കഴിഞ്ഞദിവസം രാത്രിയിൽ വീട്ടിൽ വച്ച് ഇതേ ചൊല്ലി തർക്കം ഉണ്ടാകുകയും സഹോദരങ്ങൾ തമ്മിൽ ഏറ്റുമുട്ടുകയും നിലത്ത് വീണ അജിത്തിനെ അജീഷ് നിർമ്മാണ സാമഗ്രി ഉപയോഗിച്ച് ക്രൂരമായി മർദ്ദിക്കുകയായിരുന്നു…..
മുഖത്തും തലയ്ക്കും മാരകമായി മുറിവേറ്റ അജിത്തിനെ വർക്കല താലൂക്ക് ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു……
പ്രതിയായ അജീഷിനെ കഴിഞ്ഞദിവസം രാത്രിയിൽ തന്നെ വർക്കല പോലീസ് അറസ്റ്റ് ചെയ്തിരുന്നു….
രാവിലെ ഫോറൻസിക് വിരലടയാള വിദഗ്ധരുടെയും നേതൃത്വത്തിൽ ശാസ്ത്രീയമായ തെളിവുകൾ ശേഖരിച്ചു…..
ഇൻക്വസ്റ്റ് നടപടികൾ പൂർത്തിയാക്കി മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിൽ പോസ്റ്റ് പാത്രം നടപടികൾക്ക് ശേഷം ബന്ധുക്കൾക്ക് വിട്ടു നൽകി ….
