കാട്ടുപന്നിയുടെ ആക്രമണത്തിൽ വീട്ടമ്മയ്ക്ക് പരിക്ക്. ആനപ്പാറ ജസീർ മൻസിലിൽ ജുബൈരിയബീവി (57)യ്ക്കാണ് പരിക്കേറ്റത്. കടയ്ക്കൽ -ചടയമംഗലം റോഡിൽ ആനപ്പാറ പൊലീസ് മുക്കിനു സമീപത്തെ പുരയിടത്തിൽ റബർപാൽ എടുക്കാൻ എത്തിയപ്പോഴാണ് കാട്ടുപന്നി ആക്രമിച്ചത്.
നിലവിളി കേട്ട് ഓടിക്കുടിയ ബന്ധുക്കളും നാട്ടുകാരും ചേർന്നാണ് ഇവരെ രക്ഷിച്ചത്. ഗുരുത പരിക്കേറ്റ ഇവരെ കടയ്ക്കൽ താലൂ ക്കാശുപത്രിയിലും പിന്നീട് തിരുവനന്തപുരം മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.
