കനത്ത മഴയെ തുടർന്ന് എറണാകുളം ജില്ലയിലെ പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധിയായിരിക്കും. അങ്കണവാടികൾ, കേന്ദ്രീയ വിദ്യാലയങ്ങൾ, സംസ്ഥാനം, സിബിഎസ്ഇ, ഐസിഎസ്ഇ സ്കൂളുകൾ തുടങ്ങി എല്ലാത്തരം വിദ്യാഭ്യാസ സ്ഥാപനങ്ങൾക്കും ഈ അവധി ബാധകമാണെന്ന് കളക്ടർ അറിയിച്ചു.
നിലവിൽ റെഡ് അലർട്ട് പ്രഖ്യാപിച്ചിരിക്കുന്ന എറണാകുളത്ത് രാവിലെ മുതൽ കനത്ത മഴ അനുഭവപ്പെട്ടെങ്കിലും വൈകുന്നേരമായതോടെ മണിക്കൂറുകളോളം നേരിയ കുറവുണ്ടായി. പ്രദേശത്ത് കനത്ത മഴയ്ക്ക് സാധ്യതയുള്ളതിനാൽ വിവിധ വകുപ്പുകൾക്കും പൊതുജനങ്ങൾക്കും ജില്ലാ ഭരണകൂടം ജാഗ്രതാ നിർദ്ദേശം നൽകിയിട്ടുണ്ട്. താലൂക്ക് ഓഫീസുകളിൽ കൺട്രോൾ റൂമുകൾ സ്ഥാപിക്കാനും അടിയന്തര പ്രവർത്തനങ്ങൾക്കായി ഒരു ടീമിനെ ഉടൻ സംഘടിപ്പിക്കാനും തഹസിൽദാർമാർക്ക് നിർദേശം നൽകിയിട്ടുണ്ട്.
