സംസ്ഥാന സർക്കാർ ജീവനക്കാരുടെയും അധ്യാപകരുടെയും ആനുകൂല്യങ്ങള്‍ നിഷേധിക്കുന്നതില്‍ പ്രതിഷേധിച്ച്‌ യുഡിഎഫ് സർവീസ് സംഘടനകളുടെ നേതൃത്വത്തില്‍ നാളെ പണിമുടക്ക്.
പണിമുടക്കിന് മുന്നോടിയായി സർക്കാർ ഡയസ്നോണ്‍ പ്രഖ്യാപിച്ചു. സംസ്ഥാനത്ത് 6 ഗഡു ക്ഷാമബത്ത കുടിശികയാണെന്നു സമരസമിതി ചെയർമാൻ ചവറ ജയകുമാർ പറഞ്ഞു.
ഡയസ്നോണ്‍ ബാധകമാകുന്നവരുടെ നാളത്തെ ശമ്ബളം ഫെബ്രുവരിയിലെ ശമ്ബളത്തില്‍ നിന്നും കുറവു ചെയ്യും. പണിമുടക്കു ദിവസം അനുമതിയില്ലാതെ ഹാജരാകാത്ത താല്‍ക്കാലിക ജീവനക്കാരെ സർവീസില്‍ നിന്നു നീക്കം ചെയ്യും. അടിയന്തര സാഹചര്യങ്ങളിലൊഴികെ ഒരുവിധ അവധിയും അനുവദിക്കാൻ പാടില്ല.
അക്രമ പ്രവർത്തനങ്ങളില്‍ ഏർപ്പെടുകയോ പൊതുമുതല്‍ നശിപ്പിക്കുകയോ ചെയ്യുന്ന ജീവനക്കാരെ പ്രോസിക്യൂട്ട് ചെയ്യുമെന്നും ഉത്തരവില്‍ വ്യക്തമാക്കിയിട്ടുണ്ട്.
