വായനാദിനത്തിൽ കടയ്ക്കൽ ഗവൺമെന്റ് യുപിഎസ് , രക്ഷിതാക്കൾക്കും സമൂഹത്തിലെ മറ്റ് അംഗങ്ങൾക്കുമിടയിൽ വായനാശീലം പ്രോത്സാഹിപ്പിക്കുന്നതിന് തനതായ പരിപാടി സംഘടിപ്പിച്ചു. പുസ്‌തക വണ്ടിയുമായി വീടുകളിലേക്ക് എന്ന ക്യാമ്പയിൻ ആണ് തുടക്കം കുറിച്ചത്.
സ്കൂൾ അങ്കണത്തിൽ നടന്ന വായനദിന പരിപാടി കടയ്ക്കൽ ഗ്രാമപഞ്ചായത്ത് പ്രസിഡന്റ് എം മനോജ് കുമാർ ഉദ്ഘാടനം ചെയ്തു, പിടിഎ പ്രസിഡന്റ് സി ദീപു അധ്യക്ഷത വഹിച്ചു, സ്കൂൾ ഹെഡ്മാസ്റ്റർ ഹുമാംഷാ സ്വാഗതം പറഞ്ഞു.
ബുക്ക് വാൻ വാർഡ് മെമ്പർ ജെ എം മർഫി ഫ്ലാഗ് ഓഫ് ചെയ്തു, അധ്യാപകൻ ദിലീപ് പരിപാടികൾ വിശദീകരിച്ചു. സ്കൂൾ അധ്യാപകരും പിടിഎ അംഗങ്ങളും വിദ്യാർഥികളും പങ്കെടുത്തു.
വായനദിനത്തിന്റെ ഭാഗമായി കടയ്ക്കൽ യു.പി.എസിൽ വായനവാരാചരണം, വീടുകളിലേക്ക് ബുക്ക് ഡ്രൈവ്, വായനാദിന പ്രതിജ്ഞ, പി.എൻ.പണിക്കർ അനുസ്മരണം, വായനദിന ക്വിസ്, പോസ്റ്റർ നിർമാണം, കാവ്യമഞ്ജരി, നാടൻപാട്ട്, നാടരങ്ങ് ശിൽപശാലകൾ തുടങ്ങി വിവിധ വായനാവാരാചരണം നടത്തി. .
