രണ്ടഗസംഘത്തിന്റെ ആക്രമണം ഭയന്ന് സമീപത്തെ വീട്ടിൽ അഭയം തേടിയ യുവാവിനെ പിൻതുടർന്ന് എത്തിയ സംഘം
വീട്ടമ്മയെ ആക്രമിച്ചു
പ്രതികളെ ചിതറ പോലീസ് പിടികൂടി
വാഴപ്പണ കാരിച്ചിറ സ്വദേശികളായ ഫൈസല്‍, ജീവൻ എന്നിവരാണ് അറസ്റ്റിലായത്
കൊല്ലം ചിതറയിലാണ് സംഭവം .കഴിഞ്ഞ ദിവസം രാത്രി എട്ട് മണിയോടെ
ഓട്ടോറിക്ഷ ഡ്രൈവറായ സുധീഷിനെ ആക്രമിക്കുകയായിരുന്നു. ഭയന്നോടിയ സുധീഷ് സമീപത്തുണ്ടായിരുന്ന കടയിൽ അഭയം തേടി .പിൻതുടർന്ന് എത്തിയ സംഘം വീട്ടമ്മയോട് സുധീഷിനെ ഇറക്കി വിടാൻ ആവശ്യപ്പെട്ടു.
എന്നാൽ വീട്ടമ്മ തയ്യാറായില്ല തുടർന്നാണ് ഇവർ രണ്ട് പേരും ചേർന്ന് വീട്ടമ്മയെ ആക്രമിക്കുകയും തടസം പിടിക്കാനെത്തിയ ഇവരുടെ ഭർത്താവിനെയും മർദ്ദിക്കുകയായിരുന്നു.
ആക്രമണത്തിൽ വീട്ടമ്മയുടെ വസ്ത്രം വലിച്ചു കീറുകയും ചെയ്തു.വീട്ടമ്മയുടെ നിലവിളികേട്ട് നാട്ടുകാർ ഓടികൂടിയപ്പോഴേക്കും സംഘം കടന്ന് കളഞിരുന്നു.യുവതിയുടെ പരാതിയിൽ കേസെടുത്ത ചിതറ സിഐ നടത്തിയ അന്വേഷണത്തിൽ പ്രതികളെ അറസ്റ്റ് ചെയ്യുകയായിരുന്നു.
ഫൈസൽ ഓട്ടോറിക്ഷ തൊഴിലാളി ആയിരുന്നു. എന്നാൽ ഏതാനും മാസങ്ങൾക്ക് മുമ്പ് ഫൈസലിനെ ജോലിയിൽ നിന്നും പറഞ്ഞ് വിടുകയും പകരക്കാരനായി സുധീഷിനെ നിയമിക്കുകയും ചെയ്തു .ഇതാണ് പ്രതിക്ക് സുധീഷിനോട് വെക്തിവൈരാഗ്യത്തിന് കരണം. ഈ കാരണത്താൽ ഫൈസൽ സുധിഷിനെ പിന്തുടർന്ന് ആക്രമിക്കുകയായി രുന്നു.
പ്രതികൾക്കെതിരെ വീടുകയറി ആക്രമണത്തിനും സ്ത്രീത്വത്തെ അപമാനിച്ചതിനുമാണ് ചിതറ പോലീസ് കേസെടുത്തിരിക്കുന്നത്.അറസ്റ്റിലായ പ്രതികളെ കോടതിയിൽ ഹാജരാക്കി റിമാൻഡ് ചെയ്തു
