എംഡിഎംഎയുമായി യുവാവിനെ എക്സൈസ് പിടികൂടി. വിതുര തോട്ടുമുക്ക് വീട്ടില്‍ അല്‍ അമീൻ (27) ആണ് 12.06 ഗ്രാം എംഡിഎംഎയുമായി അറസ്റ്റിലായത്.
തിരുവനന്തപുരം എക്സൈസ് എൻഫോഴ്സ്മെന്‍റ് ആൻഡ് ആന്‍റി നര്‍കോട്ടിക് സ് പെഷല്‍ സ്ക്വാഡ് എക്സൈസ് ഷാഡോ ടീമിനു ലഭിച്ച രഹസ്യ വിവരത്തിന്‍റെ അടിസ്ഥാനത്തിലാണ് എക്സൈസ് സര്‍ക്കിള്‍ ഇൻസ്പെക്ടര്‍ ബി.എല്‍. ഷിബുവിന്‍റെ നേതൃത്വത്തില്‍ അറസ്റ്റ് ചെയ്തത്.
കൊച്ചുവേളി ബാലനഗര്‍ നിവാസിയായ ഇയാള്‍ തോട്ടുമുക്കിലെ വീട്ടില്‍ വാടകയ്ക്ക് താമസിച്ചുകൊണ്ട് മയക്കുമരുന്ന് കച്ചവടം നടത്തിവരികയായിരുന്നു. ബാംഗ്ലൂരിലെ മടിവാളയിലെത്തി മയക്കുമരുന്നു വാങ്ങി തിരുവനന്തപുരത്ത് കച്ചവടം നടത്തിവരികയായിരുന്നു.
