ഡി വൈ എഫ് ഐ പ്രാദേശിക നേതാവ് അമ്പാടി കൊല്ലപ്പെട്ട സംഭവത്തിൽ രണ്ടുപേർ അറസ്റ്റിൽ. ഗുണ്ടാ നേതാവ് ലിജുഉമ്മന്റെ നേതൃത്വത്തിലുള്ള സംഘത്തിൽ പെട്ടവരാണ് അറസ്റ്റിലായത്. ക്രിക്കറ്റ് മൈതാനത്തുണ്ടായ സംഘർഷത്തിന്റെ തുടർച്ചയായാണ് കൊലപാതകം നടന്നതെന്ന് കരുതുന്നു. അമ്പാടിക്കൊപ്പമുണ്ടായിരുന്ന സഹോദരൻ അർജുന്റെ മൊഴി പൊലീസ് രേഖപ്പെടുത്തിയിട്ടുണ്ട്.
കായംകുളം കൃഷ്ണപുരം മാവിനാൽകുറ്റി ജംഗ്ഷന് സമീപമാണ് നടുറോഡിൽ ഗുണ്ടാ സംഘവുമായുള്ള ഏറ്റുമുട്ടിൽ ഡി വൈ എഫ് ഐ നേതാവ് അമ്പാടി കൊല്ലപ്പെട്ടത്. ഇന്നലെ വൈകീട്ട് 5.30 നാണ് സംഭവം. സംഘട്ടനത്തിടയിൽ അമ്പാടി കുത്തേറ്റ് റോഡിൽ വീഴുകയായിരുന്നു. ഉടൻ തന്നെ ഓട്ടോറിക്ഷയിൽ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല
