തിരുവനന്തപുരം നഗരത്തിൽ പട്ടാപ്പകലിൽ വെടിവെയ്പ്. പടിഞ്ഞാറേക്കോട്ട ചെമ്പകശേരി പോസ്റ്റ് ഓഫിസ് ലെയിനിൽ എയർഗൺ ഉപയോഗിച്ചുള്ള ആക്രമണത്തിൽ യുവതിക്ക് പരുക്ക്. ചെമ്പകശേരി സ്വദേശി ഷിനിയെയാണ് മുഖംമൂടി ധരിച്ചെത്തിയ സ്ത്രീ ആക്രമിച്ചത്.
കൊറിയർ നൽകാനെന്ന പേരിലാണ് മുഖംമൂടി ധരിച്ച് അക്രമി എത്തിയത്. ഷിനി മേൽവിലാസം പരിശോധിക്കുന്നതിനിടയിൽ കൈയ്യിൽ കരുതിയ പിസ്റ്റല്‍ ഉപയോഗിച്ച് ആക്രമിക്കുകയായിരുന്നു. പിന്നീട് ഇവര്‍ ഇവിടെ നിന്ന് രക്ഷപ്പെടുകയും ചെയ്തു.
അക്രമി മുഖംമൂടി ധരിച്ചിരുന്നതിനാൽ ആളെ തിരിച്ചറിഞ്ഞില്ലെന്നും, സ്ത്രീയാണെന്ന് വ്യക്തമായെന്നും ഷിനി പൊലീസിനോട് പറഞ്ഞു. യുവതിയെത്തിയ കാറിന്‍റെ നമ്പര്‍ വ്യജമാണെന്ന് പൊലീസിന്‍റെ പ്രാഥമിക പരിശേധനയില്‍ കണ്ടെത്തി
