ജോലി കഴിഞ്ഞ് സ്‌കൂട്ടിയിൽ വീട്ടിലേയ്ക്ക് പോവുകയായിരുന്ന യുവതിയെ ബൈക്കിലെത്തിയ സംഘം ആക്രമിച്ചതായി പരാതി . യുവതിയുടെ പരാതിയിൽ നഗരൂർ പോലീസ് കേസെടുത്തു .
ചൊവ്വാഴ്ച വൈകുന്നേരം കിളിമാനൂർ ബ്ലോക്ക് ഓഫീസിന് സമീപം വെച്ചായിരുന്നു സംഭവം .ചെങ്കിക്കുന്ന് മുരിങ്ങോട്ടുകോണം സ്വദേശി പ്രസീത(26)യെ ആണ് ആക്രമിച്ചത് .കിളിമാനൂർ പാപ്പാലയിലെ സ്വകാര്യ സ്ഥാപനത്തിലെ ജീവനക്കാരിയാണ് . സ്‌കൂട്ടിയിൽ പോകുമ്പോൾ പിൻ തുടർന്ന് ബൈക്കിലെത്തിയവർ എന്തോ കൊണ്ടടിച്ചതായി പ്രസീത പോലീസിൽ നല്‌കിയ പരാതിയിൽ പറയുന്നു .തുടർന്ന് അവർ സ്‌കൂട്ടിയിൽ നിന്നും റോഡിൽ വീഴുകയും നിസാര പരിക്കേൽക്കുകയും ചെയ്തു .
സംഭവം നടന്നത് കിളിമാനൂർ പോലീസ് സ്റ്റേഷൻ പരിധിയിലായതിനാൽ കേസ് കിളിമാനൂർ പൊലീസിന് കൈമാറി
