ചിതറയിൽ എസ്ഐയുടെ ബൈക്ക് മോഷണം കേസിലെ പ്രതിയുടെ സുഹൃത്തിനെ മറ്റൊരു ബൈക്ക് മോഷണ കേസിൽ ചിതറ പോലീസ് അറസ്റ്റ് ചെയ്തു. തെന്മല സ്വദേശി 31 വയസ്സുള്ള അഭിലാഷിനെയാണ് ചിതറ പോലീസ് അറസ്റ്റ് ചെയ്തത്.
എസ്ഐയുടെ ബൈക്ക് മോഷ്ടിച്ച് കടത്തിയ സുജിനും തെന്മല സ്വദേശിയായ അഭിലാഷും മറ്റു രണ്ട് പ്രതികളും ചേർന്ന് മടത്തറയിൽ ടൂവീലർ വർക്ക് ഷോപ്പ് നടത്തുന്ന ജയേഷിന്റെ വീടിനു സമീപം പാർക്ക് ചെയ്തിരുന്ന വർക്ക്ഷോപ്പിൽ പണിയാൻ നൽകിയ മടത്തറ ചോയ്ക്കോട് സ്വദേശി രാജീവിന്റെ ബൈക്ക് ഓട്ടോറിക്ഷയിൽ എത്തി കടത്തിക്കൊണ്ടു പോവുകയും തിരുവനന്തപുരം കാരറ്റ് ഭാഗത്ത് വച്ച് വിൽപ്പന നടത്തുകയും ചെയ്തു സിസിടിവി ദൃശ്യങ്ങൾ കേന്ദ്രീകരിച്ച്
നടത്തിയ അന്വേഷണത്തിലാണ് ചിതറ സി ഐ ബിജുവിന്റെ നേതൃത്വത്തിലുള്ള പ്രത്യേക സംഘം പ്രതിയിലേക്ക് എത്തിയത് അഭിലാഷിനെ തെന്മലയിൽ നിന്നും ചിതറ പോലീസ് കസ്റ്റഡിയിൽ എടുക്കുകയായിരുന്നു. അറസ്റ്റ് രേഖപ്പെടുത്തിയ പ്രതിയെ കോടതിയിൽ ഹാജരാക്കി കോടതി റിമാൻഡ് ചെയ്തു .
