മടത്തറ മേലെ മുക്കിൽ അവിട്ടം ദിനത്തിൽ യുവാവിനെ മർദിച്ച കേസിലാണ് അഞ്ചു പേരെ പൊലീസ് അറസ്റ്റ് ചെയ്തിരിക്കുന്നത്.
യുവാവിനെ തലയ്ക്ക് അടിച്ചു കൊലപ്പെടുത്താൻ ശ്രമിച്ചു എന്ന കേസിൽ ഒളിവിൽ ആയിരുന്ന പ്രതികളെയാണ് ഇന്നലെ രാത്രി അറസ്റ്റ് ചെയ്തത്.
ഒഴുകുപറ സ്വദേശികളായ സുധീർ ,അനന്തു , അൻഫിൽ ,റാസിഖ് , ഷെഫിൽ എന്നിവരെയാണ് ചിതറ പോലീസ് അറസ്റ്റ് ചെയ്തത്.
മടത്തറ മേലേമുക്ക് സ്വദേശി അജീഷിനെയാണ് ആക്രമിച്ചത്. സംഭവത്തിൽ തലയ്ക്ക് ആറോളം കുത്തികെട്ടുകൾ ഉണ്ട്.
സംഭവത്തിൽ ആറ് പ്രതികൾ ഉള്ളതിൽ അഞ്ച് പേരെയാണ് അറസ്റ്റ് ചെയ്തത് ഒരാൾ ഇപ്പോഴും ഒളിവിൽ തന്നെയാണ്.
പ്രതികൾക്കെതിരെ വധ ശ്രമം , പട്ടിക ജാതി നിരോധിത നിയമം എന്നിവ ചുമത്തി കേസ് എടുത്തു . ഇവരെ കോടതിയിൽ ഹാജരാക്കി റിമാന്റ് ചെയ്തു.
