34 വർഷം മുമ്പ് കടയ്ക്കലിലെത്തി താമസിച്ചു വരുന്ന ആന്ധ്രാപ്രദേശ് സ്വദേശിയിൽ നിന്നും യുവാവ് ലോട്ടറിയും പണവും തട്ടിയെടുത്തു. കടയ്ക്കൽ കാര്യത്ത് വച്ചാണ് സംഭവം .
ബൈക്കിലെത്തിയ യുവാവാണ് കബളിപ്പിച്ച് കടന്നു കളഞ്ഞത്. ലോട്ടറിയിലെ അവസാന അക്കമായ ഒന്നിനെ നാലെന്ന് തിരുത്തി രണ്ടായിരം രൂപയാണ് ഇയാൾ കവർന്നത്. ആയിരം രൂപയ്ക്ക് ലോട്ടറിയും ആയിരം രൂപ കൈയ്യിൽ നൽകാനും ആവശ്യപ്പെട്ടു .
ഇതിനെ തുടർന്ന് പണവും ലോട്ടറിയും ബഷീർ നൽകി . എന്നാൽ ലോട്ടറിയിലെ qr കോഡ് സ്കാൻ ചെയ്തപ്പോൾ ആണ് ബഷീർ കബളിപ്പിക്കപ്പെട്ടത് മനസിലാക്കിയത്. ഉടൻ കടയ്ക്കൽ പോലീസിൽ പരാതി നൽകി. പരാതിയിൽ മേൽ അന്വേഷണം നടത്തുകയാണ് പോലീസ്.
