മൂന്ന് ആൺ കുട്ടികളെ മദ്യം നൽകി പ്രകൃതിവിരുദ്ധ ലൈംഗിക പീഡനം നടത്തി വന്ന 54 വയസുകാരനെ ചടയമംഗലം പോലീസ് അറസ്റ്റ് ചെയ്തു.
ഇളമാട്ട് കഴിഞ്ഞ 12 വർഷമായി
പന്നിഫാം നടത്തി വരികയായിരുന്നു പ്രതി.
ചടയമംഗലം സിഐ
ഡി.ഷിബു കുമാറിന്റെ നേതൃത്വത്തിലുള്ള പോലീസ് സംഘമാണ് ഈ പോക്സോ പ്രതിയെ അറസ്റ്റ് ചെയ്തത്.
വൈക്കം സ്വദേശിയായ ബൈജു കെ.എസ് ആണ് പോലീസിന്റെ പിടിയിൽ ആയത്. ഇയാൾ ഒളിവിൽ കഴിയവേയാണ് ചടയമംഗലം പോലീസിന്റെ വലയിലായത്.
ഇയാളുടെ പീഡന വിവരങ്ങൾ കുട്ടികൾ അവരുടെ സുഹൃത്തുക്കളോട് പറയുകയും, അവർ രക്ഷിതാക്കളെ അറിയിക്കുകയായിരുന്നു. രക്ഷിതാക്കൾ ചൈൽഡ് ലൈനിൽ പരാതിപ്പെടുകയും, അവർ ചടയമംഗലം പോലീസിന് പരാതി കൈമാറി. തുടർന്ന് പോലീസ് കേസ് രജിസ്റ്റർ ചെയ്തു അന്വേഷണം ആരംഭിച്ചു. 3 പോക്സോ കേസുകൾ ഈ പ്രതിയുടെ പേരിൽ രജിസ്റ്റർ ചെയ്തു. 3 എഫ് ഐ ആറും രജിസ്റ്റർ ചെയ്തു.
മെഡിക്കൽ പരിശോധനയ്ക്ക് വിധേയനാക്കിയതിനു ശേഷം ഇയാളെ കോടതിയിൽ ഹാജരാക്കി.
കോടതി ഇയാളെ റിമാൻഡ് ചെയ്തു..
